Psalms 148

Langavang Axap Na Emi Asu Mi Ne Moroa

Leemi asu ri Leeme Silok.

Nemi mi nemen to vana rubu rino, mina emi asu mi Leeme Silok ik lok to vana at laxalibet.
Nemi lubungangelo eburu mi limixin esep teren, mina emi asu min.

Laxangking mi lagaaling, muna emi asu min, la laxampenti sosoo, mina emi asu min. Laxalibet pana xasep la ladan ik lok ma vana at laxalibet, mina emi asu min.

Nedi axap mina emi asu mi laasen at Leeme Silok! Neni ga tong mun i la nedi na lempanga ga raut. Neni ga tong mun i la mo lempanga ga xis bus at mo lengkot atdi la dinaba nemen lexen go la di noxo ronga xepe levelinga ren.

Laras main tubu, la lempat konomus la lempanga axap ik lok at na lavatbung menemen, mina emi asu min; la lamam mi lebetlom uat, lusugao mumdut(snow) mi lengkon takabu, la lara manman lolos ua ding tonga res at levelinga ren, mina emi asu min.

Nemi lengkon kaana mi lempat taavut, la larauna vipisik peeve eburu mi lempatbuan, mina emi asu min. 10 Nemi bok lempanga mi lavanuet kangkedek, lentaba sio la lentaba ronu, la laxa siisi mi lavapixa, mina emi asu min.

11 Nemi axap lavaorong mi limixin axap, lavanarong eburu mi lubung amgomgo vetpes bok, mina emi asu min; 12 Nemi bok laxamposono mi luvurau atlok, la limixin asioxo mi laxaalik kakalik bok, mina emi asu min.

13 Naba lox avukat do nedi axap dina emi asu mi laasen at Leeme Silok! Laasen teren i silok ti limixin axap; la lolos teren i volo lolos at lempanga axap at lavatbung menemen eburu mi laxalibet. 14 Neni ga lox alolos lubungmixn teren, kusu limixin axap teren dinaba emi asu min; limixin me Israel di silok tinotno at lodoxoma ren.

Leemi asu ri Leeme Silok!

Copyright information for `MMX