Psalms 53

Laxapmek At Limixin

Mo limixin di doma i do, “Kopmen tomoroa go i rooro, nedi limixin tangtangku.” Lodoxoma atnedi i bilingot axap tino mi laxapmek; la dira lok pam levempanga ik lok kapmek aleng tinotno, kopmen tara atdi na lok levempanga i nunuan. Moroa i nemen tovana at laxalibet la ik milik asi ri limixin axap; i vara na ven i do teventaba go di ruuna tevendoxoma avukat, kopla teventaba di belengaongao rin. Ketla nedi axap dira repukus su vam basinge ne Moroa; nedi axap dira lok kapmek pam. Kopmen tino tara atdi na mu asu langas mokmokso. Kopmen tino tegesara, atla loklok atnedi axap i epovo mun. Moroa i sue xeretna, “Kereva, kopmen dinaklen i do di lok levempanga xapmek? Dik lok kakapmek amisik limixin tarak la kopmen tino dina ngising tia.” Ketla dinaba lingun aleng tino, at nom lanmarat kovisi di goxo suma i gano, atla ne Moroa naba sax epeseves levesi at limixin di munepen mi limixin teren. Moroa ira sok sisixe kepe vam di. Kuren la limixin me Israel dinaba sak tup tino midi. Nia a vara aleng tinotno i do ne Moroa naba sak tiki tara boro Saion, kusu ni na lox asepsu limixin me Israel basinge lavamunepen atdi. La kerepmo dinaba lok momo do ne Moroa naba lox asang kobot amu manga di!

Copyright information for `MMX