Psalms 56

Lisingising At Lunuunu Saga At Ne Moroa

O Moroa, una belemumu ia, atla nia na a nemen at leesep; limixin munepen minia dik lox asongot amisix ia. At levenaleng kudun axap limixin munepen tarak di vesep eburu minia. Buaang nedi di esep tangarang minia.

Nu Leeme Silok, nu Lanaraavuk. Do nia ana marat, nia anaba nuunu saga mun taram. Nia a nuunu saga at ne Moroa la axok marat. Nia a emi asu min atla ni naba lok epovo mo levempanga ni ga xaape min. Ixo epovo rinotno xusu limixin mun diba lok tavanga xapmek tia.

Limixin munepen minia dik lok kakapmex ia at levenaleng kudun axap; dim doma agagas li amisik leventaangas kusu dina lox asongor ia. Dit pot buru ri kuxut tangais ia at levengkot lipe, la di reven levempanga axap nia ak lox i, la dit kis tangais ia do dina sev amer ia. O Moroa, una lox asongot di, mumu loklok kakapmek atnedi; una lox asuusu lebelemamao ram la una sak tup midi mi lolos taram. Ukleklen i do nia a xip tutu mi levenmumuat; nenu ugak lok katling leveng kamkabili dan ga sesen su at luxatli rak. A doma i do uga malagan li i at lubuk taram.

At laaleng nia ana xup tu, limixin munepen minia dinaba o bilong. Legesa vanga mun nia akleklen i, Moroa i tu tooro ia. 10 Nia a emi asu mi Leeme Silok mumu leveng kakaape ren. 11 Nia a nuunu saga mun teren, la nia a noxo marat at tempanga. Ixo epovo rinotno xusu limixin mun at na lavatbung menemen diba lok tavanga xapmek tia.

12 O Moroa, nia anabam taba u mi levempanga aga xaape min tu; nia anaba raba u mi laramtaba ti lox asuusu lorotong avukat tu, 13 atla uga lox asepsu ia basinge lanmet, la uga lok tooro ia la limixin munepen minia di goxo sak tup minia.

Kuren la nia anabat pas ma xopok at loklok tatao at ne Moroa; neni ik lox axasep lodoxoma at limixin kusu dina rooro.

Copyright information for `MMX