Psalms 67

Loxompixan Totong Avukat

Moroa, una belemumu nema la una lox anarong bok nema; una lox asuusu labalamu ram tinema, kusu limixin at lavatbung menemen axap dinabaklen lodoxoma ram, la kusu limixin at levenep silok dinabaklen i do u lox avukat la uk lox arooro limixin.

O Moroa, naba lox avukat do limixin at levengkot axap dina emi asu minu; la i epovo rinotno do larabung mixin axap dina emi asu minu! Naba lox avukat do limixin at levenep silok axap dina sosoro la dinak pixan mi lomomo, atla nu u viila mumu loklok at limixin mi lodoxoma mokmokso la levelinga ruturun, la um gomgonga limixin at levenep silok at lavatbung menemen. O Moroa, naba lox avukat bok do limixin dina emi asu minu; i epovo rinotno do larabung mixin axap dina emi asu minu! Laxangka ira lox asu vam leventaamang mukun teren; Moroa, ni ne Moroa atnedik ira lox anarong pam dik. Moroa ira lox anarong pam dik, la naba lox avukat do limixin at levengkot axap dina xip aurut laasen teren.

Copyright information for `MMX