Psalms 83

Lisingising Ti Sak Tup Mi Lavamunepen Me Israel

O Moroa, ugutak lok sixim, ugatang longivilo, la ugatam pamngus! Una ven ba lavamunepen taram di lolos kusu diba remkaa su, la nedi no dik lox angtungun tu dirang tonga viribang. Di vetong li leven taangas alipe xusu dibak lox i ri limixin taram; dik lok leven taangas kusu ri sosolo arup nedi ua dik lok maxopok at loxokok taram. Di paase xeretna, “Ude nimi, ata sele utut lenep silok Israel eburu mi limixin di nemen go, kusu ataba domampe axap tino di.”

Di sisiam mu mo levempapaase li atdi la dik lok momo ri tu buru xusu ri vekini minu; nedi limixin me Edom la me Isimael, leme Moap mi leme Agirit; limixin me Gebal mi leme Amalek, leme Pislistia la leme Taia. Leme Asiria di ru buru bok midi atla di vara i xusu dina lok tooroi leme Amon la Moap, nedi livipisik li at ne Lot.

Unap sep kapmek bok di ngan ugap sep kapmek leme Midien, Sisera, la Jabin to at ladan Kison. 10 Uga sak tup midi ro Endo, la lenbantuxu atnedi garap sopso ro at laxangka. 11 Una sev asi bok lubung amgomgo atnedi ngan uga lox i ri ne Orep mi ne Seep, la una sak tup mi lavaeme silok atnedi ngan i mo uga lox i ri ne Zebah mi ne Salmona xuren, 12 atla nedi diga vaase xeretna, “Ataba lok kaka amlong mo laxangka at ne Moroa ridik.”

13 O Moroa, una sax epeseves di ngan laxakup, la ngan leventuxu piao no lamanman it mas kepe i. 14 Naba lok ngan laxao i kavat lavatbuan, la ngan langangao at laxao i kavat lengkongkaana. 15 Una xala xepe di mi lamanman takabu ram la una lox amarat di mi lavatmanman silok taram. 16 O Leeme Silok, una suxuna di mi lainmangan, la una lok nedi xusu dinaba ven kibis lolos taram. 17 Naba lox avukat do una sak tup midi la lainmarat atnedi nabak lok amisik la noxo xap; keke di dina remet eburu mi lainmangan. 18 Naba lox avukat do dina xasep do nenu xusuk mun Leeme Silok, la Lamgomgo silok tinotno; u lolos aleng pana axap at lavatbung menemen.

Copyright information for `MMX