Psalms 88

Lerengteng Ti Loklok Tooro

Leeme Silok ne Moroa, nu laradi loklox arooro rak, ang teng tu at levenaleng kangking la at lengkanimin at pas parav u mi lisingising. Lox epovo lisingising tarak; tonga ia na ang teng kusu una lok tooro ia! Laxanmumuat solo na ira subu vam mavana rak la i auret kusu ana met. A lok ngan mun nedi ua di auret kusu dina met; levelolos axap tarak ira xap pam. Ak lok ngan laradi diga ke xepe i ro at lanmet eburu mi labarongan; a lok ngan lau ik midi ro xeneng at lamaut at labarongan, la nenu ugara domampe axap pam nedi, la ixo epovo bok ba xusu una lok tooro nedi.

Ugara lu arup pam minia uto xopok tubu at lamaut, uto rinotno at lemeron ua i buxumin aleng. Lebelemamao ram ik midi mavana rak la i lolos aleng; i lok ngan ta do ara dong si axap pam uto at larapopaxano.

Uga lok larapentangas tarak la digara raba arulu ia; uga lox ia la limixin di milingot tarak. Ak lok keneng at loxokoxo at lanmeres, kuren la axo epovo na sepsu; luxatli rak na ira molos ta mumu laxasongsongot. Leeme Silok, a toro amisik tu at levenaleng axap, la ara ngosong aurut mi lukngak keneng at levesingising tarak.

10 Kereva, uk lok lempanga sangsangu ri labarongan? Kopla di rooro xat la dira vemi asu minu? 11 Kereva, di paase asu labalamu lexen taram to xeneng at lamaut kopla di paase asu luruturun taram to at lenep i umsu mi leeteke? 12 Kereva, di ven levempanga sangsangu ram to xeneng at lenep i main bonot kopla di ven luvukat taram to Katimun at lemenemen atnedi, ua limixin diga domampe di? Kopmen tinotno.

13 Leeme Silok, a toro ru xusu una lok tooro ia; a ngising amisik tu at levenmaxantamak, kusu una lox asepsu ia basinge lanmet. 14 Leeme Silok, tila la u sok tixirixes kepe ia? Ua lavasuun teren la u raba arulu ia?

15 Ga ru ka axa i at levenmaares nia aga aau, agam suma levesongsongot la aga auret kusu ana met. Nia na ara soklu axap at laxanmumuat at leveloklok asongot taram. 16 Laxan belemamao silok taram ik lok amdamda ia; la lesepsep taram ik lox abaava rino ia. 17 At levenaleng amisik duk lok kangkan ia ngan ladanut; la dura si etang amisik tarak to at lengkot axap. 18 Ugara lok pam larapentangas tinotno rak la digara raba arulu vam ia, la lubuxumin ta mo i lok ngan laradi i vemu minia la kopmen tara bok.

Copyright information for `MMX