aMbo 1:6
bMbo 91:9+

Psalms 121

Mboe 121

Merere imbotmbot raama iti mi mataana piti

Mboe kizin wal ta tizalla pa Yerusalem

Nio motoŋ izalla pa zin abal.
Ko leŋ ulaaŋa sa imar be parei?
Ulaaŋa tio na Yooba itutamen tau.
Ni ta iur saamba mi toono.

Ni ko irao izemu ma tutkat kumbum mi mel na som.
Pa mboroŋan ku, ni mata ŋenŋeene somŋana.
Ŋonoono kat, mboroŋan kiti Israel, mata ŋenŋeene somŋana,
mi ikenne som.
Yooba, ni mataana pu mi imborro u.
Mi imbotmbot zilŋom uunu totomen mi iwe ur pu. a 

Tana zoŋ mataana ko ilasu pa aigule na som.
Mi mbeŋ na, puulu ko irao be ipasaanu na som.
Yooba ko mataana pu mi iporoukalkaalu pa koroŋ sananŋan ta munŋaana men.
Ni ko imboro u ma mbot ambai men. b 
Ni ko mataana pu pa pai ku ta boozomen. Tana nu sombe le ma mar, som pet ma la, na ni ko imbotmbot raamu mi mataana pu,
ta buri mi iseeŋge iseeŋge ma ila.
Copyright information for `MNA