aMbo 46:5,7, 48:3
bMbo 36:10
cGa 6:16

Psalms 125

Mboe 125

Merere ni imenderkalkaala wal kini

Mboe kizin wal ta tizalla pa Yerusalem

Zin wal ta tipase pa Yooba na, zin kembei ta abal Sion.
Pa abal tana irao imuzik na som. Tuŋ ma imbotmbot ma alok. a 
Yerusalem na, abal boozomen iliu i.
Mi ina raraate men pa Yooba wal kini. Ni iwe kembei siiri mbolŋana ta iliu zin.
Mi imenderkalkaala zin ta buri, mi iseeŋge iseeŋge ma ila.

Tana toono ta Anutu ikam pa wal kini ndeeŋeŋan na, zin wal sananŋan ko tikam peeze pa ma alok na som.
Kokena tikam ma zin wal ndeeŋeŋan tomini tisemboron zitun pa mbulu sananŋana.

O Yooba, kampe zin wal ku ambaimbaiŋan ta lelen ŋgeezeŋan na. b 
Tamen zin wal ta tipizil ndemen pa zaala ku, mi titoto zaala pakaamŋana na,
ziiri zin ma tila len raama zin wal sananŋan.
O Yooba, mboro zin Israel ma timbot ambai men! c 
Copyright information for `MNA