aRo 12:16; 1Pe 5:5

Psalms 131

Mboe 131

Suŋŋana ki tomtom ta ipakur itunu som, mi ipase pa Merere men

Mboe kizin wal ta tizalla pa Yerusalem Mboe ki Dabit

O Yooba, ŋgar pakurŋana sa imbot la leleŋ som,
aŋwidit ituŋ som,
mi aŋkamam be aŋwe biibi som.
Tana koroŋ bibip mi uraata bibip ta aŋrao pa som na, aŋmaŋmaŋ pa som. a 
Pa aŋpase pu tau. Tana aŋkototo ituŋ, mi aŋur niŋ ma aŋbotmbot.
Mi kopoŋ rru som, mi leleŋ ambai men,
kembei pikin ta iwin tui ma irao, mi naana imbaraari na.
O niom Israel, kapase pa Yooba, mi kuur motoyom pini be iuulu yom,
ta buri, mi iseeŋge iseeŋge ma ila.
Copyright information for `MNA