Psalms 136

Mboe 136

Merere itoto sua kini mbukŋana mi iurur leleene pa wal kini

Leleyom ambai pa Yooba mi kapakuri. Pa ni ambaiŋana kat.
Ni itoto sua kini mbukŋana mi iurur leleene pa wal kini ma alok.

Leleyom ambai pa Anutu mi kapakuri. Pa ni ilip pa merere ta boozomen.
Ni itoto sua kini mbukŋana mi iurur leleene pa wal kini ma alok. a 

Leleyom ambai pini mi kapakuri. Pa ni ta Merere biibi ŋonoono. Ilip pa merere ta boozomen.
Ni itoto sua kini mbukŋana mi iurur leleene pa wal kini ma alok. b 

Ni itutamen ta ikamam uraata bibip ta ipa ndel kat.
Ni itoto sua kini mbukŋana mi iurur leleene pa wal kini ma alok.

Muŋgu ni iur saamba ramaki ka koroŋ ta boozomen. Uraata tana iswe i kembei ni le ŋgar biibi.
Ni itoto sua kini mbukŋana mi iurur leleene pa wal kini ma alok.

Mi iur toono ma imbot se yok ŋwaana.
Ni itoto sua kini mbukŋana mi iurur leleene pa wal kini ma alok.

Ni ta iur koroŋ bibip sala maŋaanaŋana be tiur mat piti.
Ni itoto sua kini mbukŋana mi iurur leleene pa wal kini ma alok. c 

Iur zoŋ be iyaara pa aigule.
Ni itoto sua kini mbukŋana mi iurur leleene pa wal kini ma alok.

Mi iur puulu ramaki pitik be tiyaara pa mbeŋ.
Ni itoto sua kini mbukŋana mi iurur leleene pa wal kini ma alok.

10 Ni ta ikasgeege zin pikin muŋgamuŋga kizin Aikuptu.
Ni itoto sua kini mbukŋana mi iurur leleene pa wal kini ma alok. d 

11 Mi itatke zin Israel pa zin Aikuptu kan naman.
Ni itoto sua kini mbukŋana mi iurur leleene pa wal kini ma alok. e 

12 Uraata tana, ni ikam raama mburaana biibi. Pa ni mbura keskeezeŋana.
Ni itoto sua kini mbukŋana mi iurur leleene pa wal kini ma alok.

13 Ni ikam ma tai siŋsiŋŋana imet ma iwe ru, mi toono raraazaŋana ipet.
Ni itoto sua kini mbukŋana mi iurur leleene pa wal kini ma alok. f 

14 Mi iyaaru zin Israel ma tipa pa toono raraazaŋana ta imbot tai lukutuunu na, mi tilae mbaaga.
Ni itoto sua kini mbukŋana mi iurur leleene pa wal kini ma alok.

15 Mi igiibi king kizin Aikuptu ziŋan zin malmal kan kini sula Tai Siŋsiŋŋana, ma tiwin katkat tai ma timetmeete.
Ni itoto sua kini mbukŋana mi iurur leleene pa wal kini ma alok.

16 Ni imuŋmuuŋgu pa wal kini ma ziŋan tiwwa pa lele bilimŋana.
Ni itoto sua kini mbukŋana mi iurur leleene pa wal kini ma alok.

17 Ni ikasgeege zin king mburanŋan.
Ni itoto sua kini mbukŋana mi iurur leleene pa wal kini ma alok.

18 Ni ipun zin king zanŋan ma timetmeete.
Ni itoto sua kini mbukŋana mi iurur leleene pa wal kini ma alok.

19 Ipun Sihon ta king kizin Amor na ma imeete.
Ni itoto sua kini mbukŋana mi iurur leleene pa wal kini ma alok.

20 Mi ipun Og, ta king ki Basan na, ma imeete.
Ni itoto sua kini mbukŋana mi iurur leleene pa wal kini ma alok.

21 Mi ikam toono kizin pa wal kini Israel ma iwe len.
Ni itoto sua kini mbukŋana mi iurur leleene pa wal kini ma alok.

22 Ikam toono tana pa zin Israel ta mbesooŋo kini na, ma iwe len be timbotmbot pa, mi iseeŋge iseeŋge ma ila.
Ni itoto sua kini mbukŋana mi iurur leleene pa wal kini ma alok.

23 Indeeŋe niam ambot ŋoobo kat na, ni mataana mbeleele yam som.
Ni itoto sua kini mbukŋana mi iurur leleene pa wal kini ma alok. g 

24 Ni itatke yam pa koyam koi bizin naman.
Ni itoto sua kini mbukŋana mi iurur leleene pa wal kini ma alok.

25 Ni ta ipututu koroŋ matan yaryaaraŋan ta boozomen.
Ni itoto sua kini mbukŋana mi iurur leleene pa wal kini ma alok.

Tana leleyom ambai pa Anutu ta imbot saamba a, mi kapakuri!
26 Pa ni itoto sua kini mbukŋana mi iurur leleene pa wal kini ma alok.

Copyright information for `MNA