aMbo 4:8
bMbo 23:4, 27:3
cMbo 62:7+; Tur 7:10

Psalms 3

Mboe 3

Suŋŋana berek kana be Merere iporoukaala iti

Mboe ki Dabit Indeeŋe Dabit iko pa lutuunu Absalom na, itooro mboe ti

[2Sam 15:13-17:22]

O Yooba, koŋ koi bizin na, munŋaana ma munŋaana men.
Tomtom iwal kat, ta timaŋga be tizooro yo
mi tikam malmal pio.
Wal boozomen tizzo pio ta kembei:
“Kere. Anutu ko irao iuuli na som.
Pa ipizil ndemeene pini kek.”

Tamen Yooba, nu we siŋgiao pio mi poroukalkaala yo.
Nu ta kam yo ma zoŋ iwe biibi. Koroŋ toro sa som.
Mi nu ko pombol yo ma niŋ ise.
Nio aŋboobo Yooba be iuulu yo.
Mi ni imbot sala abal kini potomŋana, mi ileŋ suŋŋana tio.

Tana nio aŋsu muriŋ na, Yooba mataana pio
mi aŋkam kene tio ambai men mi aŋmaŋga mini. a 
Mi koŋ koi bizin munŋaana ka tieene ta timar tiliu yo na,
aŋmoto zin som. b 

Yooba, maŋga mi swe mburom!
Anutu tio, kamke yo pa zin wal sananŋan.
Peeze koŋ koi bizin kwon ma zoŋon ipolpol.
Pun zin ma mburan imap kat.

Yooba, ni ulaaŋa ŋonoono.
Ni ko ikampe wal kini mi ipombol zin. c 
Copyright information for `MNA