aKam 9:16; Ro 9:17

Psalms 76

Mboe 76

Anutu mburaana biibi kat

Mboe ki Asap

Zin Yudea kan tiute Anutu.
Mi wal kini Israel tipakuri pa zaana biibi.
Beeze ki Anutu imbotmbot Yerusalem.
Pa muriini ŋonoono ta abal Sion.
Indeeŋe ka koi bizin timaŋga pini su lele tana na, ni isebogboogo buza kizin mi peene kizin lutunlutun ta you ikanan la i, mi ipetepaala siŋgiao kizin.
Tana mburu kizin boozomen ta malmal kana i, na ni ipasaana lup.

O Anutu, nu mbotmbot lela azuŋka biibi leleene, mi nu ta biibi ŋonoono.
Pa nu ndabokŋom kat mi mburom keskeezeŋom. Nu lip pa zin abal ta aliŋgumoraŋan.

Kom koi bizin na, wal mburanŋan mi lelen imet kat. Mi nu porou ma lip pizin, tabe wal ku tila mi tiyo len mburu kizin malmal kana ma imap.
Nu pun kom koi bizin ma tisu tiwe uri lup. Mi ko irao timaŋga mini na som.
Malmal kan kizin na, wal mburanŋan.
Tamen tirao be tikam kosa sa som.
Anutu ki Yakop, indeeŋe ta nu yespokpok zin na,
zin hos kizin raama kan tomtom bizin timetmeete ma timap, mi tisu timbombooren.

O Merere, tomtom ta boozomen timototo u.
Pa sombe nu ketem malmal,
na asiŋ irao imender su kerem uunu? Som.
Indeeŋe ta wal pakan tikam pataŋana pa wal ku isu toono ti na,
nu mender pizin mi kamke zin ta boozomen.
Nu mbot saamba, mi ur kadoono pa kan koi bizin.
Tabe kam ma tomtom ta boozomen ki toono timoto kan mi timaane men.

10 Ŋonoono kat. Keten malmalŋana kizin tomtom, ina iwe zaala pu be swe mburom. Tana tomtom tipakurkuru.
Mi zin wal ta ketem malmalŋana ku ikas zin som, inako tiliu u, mi tizuŋzuŋ pu mi timbesmbeeze pu. a 

11 Niom wal ta kumbuk sua pa Yooba be kakam koroŋ sa pini na, motoyom iŋgal sua tiom tana mi koto.
Mi niom karkari ta kombot kolouŋana na tomini, kakam koroŋ tiom ambaimbaiŋan pakan pini.
Pa ni ta ikamam zin tomtom ma timoto kan.
12 Zin peeze kan ta tipase pa zitun mburan na, Anutu ikototo zin.
Tana ni ikamam zin king ta toono kan i ma timototo.
Copyright information for `MNA