aMt 21:16
bUn 1:14+; Mbo 19:1+
cMbo 144:3+; Ibr 2:6+
dUn 1:28+; 1Kor 15:27
eUn 1:28, 9:2; 2Tim 2:12; Tur 22:3+

Psalms 8

Mboe 8

Iti tomtom pareiŋanda ta Anutu ikam ŋgar biibi piti?

Mboe ki Dabit

O Yooba, Merere tiam, zom biibi ta swe ma irao toono kek.
Mi mburom ma mbulu ku ndabokŋana ramaki azuŋka ku, ta ilol saamba ma imap.

Nu ur zin naŋgaŋ munmun mi pikin siŋsiŋŋan be tiwit urum mi tiswe mburom.
Naso pumun kom koi bizin kwon,
mi kam zin wal zorzooroŋan ma tiur nin. a 

Nio sombe motoŋ sala pa saamba mi aŋre la pa nomom muriini—
puulu ma pitik ta munŋaana men ta ur zin ma tirao murinmurin, b 
na aŋso ta kembei: “Wai! Niam tomtom toono koyam na, koroŋ sorok.
Parei ta nu kamam ŋgar biibi piam?
Mi motom iŋgalŋgal yam paso?” c 

Mi nu ur yam irao itum ruŋgum, mi kam yam ma ambot la nu itum tamen kopom mbarmaana.
Mi pakur yam mi wit zoyam ma isala kor. d 
Pa koroŋ boozomen ta ur zin na, nu ur mar nomoyam be amboro.
Koroŋ ta munŋaana men imap imbot la niam tomtom kopoyam mbarmaana. e 
Zin sipsip ma makau,
mi buzur kar kan mi su kan ta boozomen.
Mi man ta tirie sala maŋaanaŋana na,
mi ye ramaki koroŋ boozomen ta tiwwa pa tai leleene na.
Koroŋ ta munŋaana men tana timap timbot la niam tomtom kopoyam mbarmaana.
O Yooba, Merere tiam, zom biibi ta swe ma irao toono kek.
Copyright information for `MNA