1 Chronicles 7

Isakar hani

Te Isakargo ogwa me si me si bidali. Augwali nogi e tama da, Tola, me Pua, me Jasup, me Simron da. Te Tolago ogwa dabe nogi da e tama da, Usi, me Refaia, me Jeriel, me Jamai, me Ipsam, me Samuel. Te bidi dabe augwali te Tolago hani dabe te tobolu bidi dabe, tama augwali te bomai ami bidi dabe da. Tama Devit te king bidali sogo, te Tola hanigo bidi 22,600 bidi dabe bidali te ami bidi pedelabo usu yai dao.

Usigo ogwa deli digi mu tama bidali, aga nogi Israhia da. Te Israhiago ogwa me si me si bidali. Augwa nogi e tama da, Maikel, me Obadia, me Joel, me Isia. Tigidali te augwa hanide polalubo tobolu bidi bidai dao. Te hani augwaligo we me wai hauwa elaluai. Tama augwali hani te genuai pedelali, tama te hani dabe nogi asęani sogo, augwaligo nedali te 36,000 bidi te ami bidi pedelabo usu yalio.

Isakargo hani we bidi dabe tigidali nogi dodolali sę yali sogo, augwaligo nedali namba e tama 87,000 bidi te ami bidi nigabo te usu yalio.

Benjamin hani

Benjamingo ogwa sela elaluai, Bela, me Beker, me Jediael dao. Belago ogwa nogo a naga ogwa bidali. Augwali nogi e tama da, Esbon, me Usi, me Usiel, me Jerimot, me Iri da. Tigidali te augwa hanide tobolu bidi bidali, te augwali bomai ami bidi dabe da. Tama te hani dabego nogi dodolali sogo, augwaligo nedali te 22,034 bidi te ami bidi pedelabo usu elaluai dao.

Bekergo ogwa dabe nogi e tama da, Semira, me Joas, Elieser, Elioenai, Omri, Jeremot, Abiya, me Anatot, me Alemet da. Te tigidali bidi te Bekergo ogwa dabe, tama tigidali te augwa hani dabede polalubo tobolu bidi dabe bidali, tama augwali te bomai ami bidi dabe bidai dao. Tama augwaligo te hani dabe nogi dodolobo sogo da, augwaligo nedali 20,200 bidi te ami pedelabo usu yai elalualio.

10 Jediaelgo ogwa deli digi tama bidali, aga nogi da Bilhan. Tama Bilhango ogwa dabe nogi e tama da, Jeus, Benjamin, Ehut, Kenana, me Sitan, Tarsis, me Ahisahar dao. 11 Te tigidali bidi augwali te Jediaelgo hani dabe te augwali tigidali te augwa hanide polalubo tobolu bidi bidali, te augwali bomai ami bidi dabe naga nigilama bidali. Tama augwaligo te hani dabego nogi deliba sisinama nedali sogo, augwaligo suali, te 17,200 bidi te ami bidi pedelabo usu elaluali.

12 Irgo ogwa dabe nogi e tama da, Supim me Hupim, tama augwali sigo hani si nosali pedelali. Tama Husim te Ahergo
7:12Bidi mebago homu te nogi Aher te da Dango gasa nogi da.
ogwa dao.

Naptali hani

13 Te Naptaligo ogwa dabe nogi e tama da, Jasiel, Guni, Jeser, me Salum da. Te wai dabe augwa auwa mosi te Bilha da, te Jekopgo si wagi soayu sali we dao.

Manase hani bugwa meba

14 Te Manasego ogwa dabe nogi da, Asriel me Makir da. Augwa ida, te Manasego si wali we da, aga te Aram hani we me deli da. Te Makir te Gileatgo aya dao. 15 Makirgo te Hupimba maiabo we me deli gegali, te gasa we me Supimbolo mawainogo me yalio. Makirgo abe te Maka. Te Makirgo tomo ogwa, te Selofahat. Te Selofehatgo te wegi dabe naga elalualio. 16 Te gasa Maka, te Makirgo wego, te ogwa si ma ame nani. Makago te me deligo nogi e tiwai poali, Peres, te gasa ogwa me nogi Seres. Seresgo ogwa si ame nai, Ulam me Rakem dao. 17 Ulamgo ogwa dedeli ame nai, aga nogi Bedan. Te nogi tama nogi yali we bidi, augwali te Gileatgo hani dabe da, Gileat te Makirgo ogwa, te Makir Manasego ogwa dao. 18 Hamoleket, te Gileatgo abe da, agai te ogwa Ishot, me Abieser, me Mala, te ogwa sela ame nai dao. 19 Semidago ogwa nogi e tama da, Ahian, Sekem, me Likhi, me Aniam da.

Efraim hani

20 Te Efraimgo hani e tama da. Efraim te Sutelago aya, Sutela te Beretgo aya, te Beret Tahatgo aya da, te Tahat Eleadago aya, 21 Eleada te gasa Tahatgo aya, tama Tahat te Sabatgo aya da, tama Sabat te gasa Sutelago aya. Efraimgo gasa ogwa si me bidali, te Eser me Eleat. Tiali goli te Get dabego augwali si ela muai, te augwali si Get taunba pelama, te Get dabego bulmakau wi sigi painu ebadi te Get dabego augwali si ela muai dao. 22 Tama Efraim, augwa si aya, te augwalide homu dene ebo gela hauwa sogo wali, te aga ama dede asama, te aga dali homu dene eyu bidagaselama te aga homu bedegau ilibo sę yalio. 23 Tama nosali Efraim aga we dali sigo te gasa ogwa ame nani. Tama Efraimgo te ogwa nogi Beria
7:23Te Hibru pogo te ogwago nogi Beria wali te pąde te tobage po tiwai si page elalubao, “dwai sę pedelali sogo da,” wali.
poali, magi baso meni, te aga ogwa dabeba dwai sogo pedelai dao.
24 Te Efraimgo wegi te Sera. Aga dali te aga hani dabe dali te taun Bethoron Ugwadu nigibadi, te taun Bethoron Aiyadu me Usensera taun nigibadi yali.

25 Tama Efraim te Refago aya, tama Refa te Resepgo aya, te Resep aga te Telago aya, te Tela te Tahango aya, 26 tama Tahan te Ladango aya, te Ladan te Amihutgo aya, te Amihut te Elisamago aya da, 27 tama Elisama te Nungo aya, tama Nun te Josuago aya dao.

28 Te Efraim hani augwaligo taun me tǫ te tama da, taun Betel me te pąde elaluali bulu dabe me, tama me te tigidali tǫ te Naran taunde gagalasa te giliga asoboba usu nama pali, te giliga dega sabo badu te taun Geserba usu nai, te Geser pąde elaluali bulu dabe me da. Te Sekem taun me te pąde elaluali bulu dabe me, te taun Aia me te pąde elaluali bulu dabe te Efraim hani dabego dao. 29 Tama te Manasego hani dabego te taun Betsan, me Tanak, me Megido, me Dor, te tama taun me te pąde elaluali bulu dabe te Manasego hani dabego tonaluali. Te Josepgo bulali wąį nǫų dabe, te Israelgo ogwa, augwali te taun dabede bidalio.

Asergo hani

30 Te Asergo ogwa dabe nogi e tama da, Imna, Isva, Isvi, me Beria. Te Asergo wegi te Sera da. 31 Beriago ogwa dabe nogi da e tama da, Heber me Malkiel. Tama te Malkiel te Birsaitgo aya da. 32 Heber te Japlet, me Somer, me Hotam te augwali selago aya da. Tama Hebergo wegi da, te Sua dao. 33 Japletgo ogwa dabe nogi da, Pasak, me Bimhal, me Asvat dao. 34 Somer, te Japletgo amago ogwa dabe nogi e tama da, Roga, me Jehuba, me Aram dao. 35 Helem te Somer amago ogwa dabe nogi da, e tama da, Sofa, me Imna, me Seles, me Amal da. 36 Te Sofago ogwa dabe nogi da, Sua, me Harnefer, me Sual, me Beri, me Imra da, 37 me Beser, me Hot, me Sama, me Silsa, me Itram, me Bera dao. 38 Te Jetergo ogwa dabe nogi da, Jefune, me Pispa, me Ara da. 39 Te Ulago ogwa dabe nogi da e tama da, Ara, me Haniel, me Risia da.

40 Te bidi dabe te Asergo hani ogomani tama augwali te augwa hani dabede tobolu bidi bidalio. Te polaluali genuai bidi dabe augwali wiegi yai bidi mu tama te bomai ami dabe da. Te Aser hani dabe nogi te bidi dabe augwaligo sisinani sogo, te augwali nedali namba 26,000 bidi te ami bidi pedalobo usu yaibao te homu yai dao.

Copyright information for `MPS