Deuteronomy 20

Te boi hwįbo bomai po

Tama Mosesgo po wadolama weyu, te po wali, “Te dage te boi hwįgi pabo sogo, te dagego duga boi bidigo te karis me hos kibu elalubo suyu, me augwa ami bidi nambago dage edelai baso da, tagalao, dage wi me elamuo, augwalide. Magi baso menio. Genuai Bidi, dago God, agai dage Isip bulude selama, tama dage odasa asai dao. Aga digi dage dali bidaibao. Te dagego boi gagalisiąbadi, te pris bidi me deli te ami bidi dabego gesabidiba dolagaselama, tama augwalibolo te po wao, ‘Dage Israel bidi dabe, dagego odao. Megi da, dage boi hwįgi painogo te ebao. Tiali goli, dagego te boi bidi dabede wi me elamuo. Tama dagego nogo nagame me elamuo. Tama dage augwalide noma me selamuo, wi pelamuo. Genuai Bidi, dena God, aga digi dage dali te pobao. Tama agai dagego hwįbo tau saibao. Tama agai boi bidi dabe aiyaba elaluama, tama dagego ugaba ela holomainu yaibao,’ te pris bidigo te po waibao,” Mosesgo te po wai.

“Tama te ofisa dabego te po walaibao, ‘Te niwai bidi te aga be gesi sęnama, tama agai Godibolo te augwali te bede bugagia bidimainogo tau sao po olama bidisiąbadi yali bidi me ede bidibo homu ebawe? Te tama tiwai bidi me ede bidiba wida, teda augwali augwa buluba ma pomainao, te hwįbo madigi pogobeo. Magi baso meni, augwali te hwįbo boide elai madi, gasa bidigo agai gesi be sidali weyu. Te bidi meba te wain gi gesi elama, tama te wain du togolama, wain wę nigisiąma yai bidi me e tomode bidibo homu ebawe? Te tama tiwai bidi meba ede bidiba wida, teda te bidi dabe augwali geasa, aga beba ma pao. Tiyu augwali boide elai madi, augwa wain gi gasa bidigo saibao. Te dolo egobeo. Te bidi meba te we sainogo te we noma sali bidi meba e tomode me bidibawe? Te tama tiwai bidi me ede bidibaso, teda te bidi te hwįbo madigi pogobeo, aga beba ma geasa pao. Tiyu augwali boide isai digi, gasa bidigo augwaligo te we sabuo,’ te ofisa bidi dabego te po wao,” Mosesgo te po wali.

“Tama te ami ofisa bidigo te po me waibao, ‘Te bidi meba te boi hwįbo wi elama, didibili homu ebo bidi me bidibo homu ebawe? Te tama tiwai bidi me ede bidibo wida, teda te bidi aga beba ma geasa pao, augwaligo ebo sęde meba bidi dabe me wi ilidali weyu.’ Te ofisa dabego te po ola silama, tama augwaligo te deli deli ami bidi hani tomode polaluabo bidi dabe sa mumuna pao, te boi hwįabo bidi hani tomode,” wali.

10 “Dage te genuai obo me yai hanuba me hwįgi pabo si da, tama dage te hanu pąba saboligi peyu da, teda hasia dagego te po waiąo, te hanu page we bidibolo te po waiąo, ‘Dagego da dali hwįgio. Dagego te hanu dabolo olo maiąo,’ te po walao.”

11 “Augwaligo dagego pode usu dao olama, tama augwaligo hanu genuai sunumi dabe olo dabaso da, teda augwali dage dologode bidiyu yaide augwali kalabus sę emainao. 12 Tiali goli, te hanu page we bidi dabego dagego po waliba usu dao po wasiąma, augwaligo dage dali hwįainogo ebaso da, teda dagego ami bidi dabego te hanu bomo elama, bobegela sao. 13 Tama Genuai Bidi, dago God, agai dagego te hanu somainogo dagego nogoba mubo si, dagego polo selama da, teda dagego te hanu tomode bidi dabe sese tama ela silao. 14 Tiali goli, dagego te hanude we dabe, me wai dabe, me kau kibu dabe, me te gasa meba nai dabe te hanude nai dabe sao. Tama dagego duga boi bidi dabego nai dabe selama, sabilagameo. Magi baso meni, Genuai Bidi aga digi te nai dabe dagebolo mawaibao. 15 Dagego te tama sę dabe te gasa meba hanu dabe dagego bulu digibulu elalubo hanu dabede me tama naga tiao,” Mosesgo te po wai.

16 “Tiali goli, dagego te Genuai Bidi dago Godigo dabolo mu mawainogo ebo te bulude dagego te hanu me siyu da, teda dagego tigidali we bidi elama, mu silao. 17 Dagego te Hit dabe, me Amor dabe, me Kenan dabe, me te Peres dabe, me te Hivi dabe, me te Jebus dabe, tama elama mu silao. Te da te Genuai Bidi aga wali gilama tama tiao. 18 Dagego augwali mu tama ela silao, tiyu augwaligo te tibo godiba lotu po wabo dwai kolesaga ola magobeo. Tiyu, augwaligo dage kegelama, tama dagego Genuai Bidide sęgę sabuo,” wali.

19 “Te dagego te hanu me deli sainogo hauwa sogo bomonama, bagulama biliyu, tama dagego te hanu obo sesegede elalubo te ni dabe gela gela peyu da, teda dagego te ni du walobo ni gelamo dao, dagego te ni du tuiagameo. Tialigo dagego te ni dabe dolamo dao. Magi baso meni, te ni dabe dagego boi bidi dabe menio. 20 Tiali goli, dagego meba olo ni dabe da, dagego gelama, tama dage hwįbo tau sabo nai dabe nigao, te boi bidi dabe aiyaba elaluama, te hanu sabo gilama,” Mosesgo te po wali.

Copyright information for `MPS