a[Nam 21:21-35; Bom 2:26-3:11]
b[Nam 32:33; Bom 3:12]

Joshua 12

Te hwįnama, Mosesgo aiyaba elaluali tuni bidi dabego nogi

Te Moses isisąbadi, te sogo te Israel dabe augwaligo te boi bidi dabe tigidali tǫde aiyaba elaluama, tama augwaligo te tigidali bulu te Jordan wę pąde te sia ge pedalubo badu te bulu dabe sai. Te tǫ te malu bulu te Arnonde gagalasa, tama pelama, te Jordan tǫ malu dąį igi pelama, tama te Hermon bulu duba usu nigi pai. Hasia bolo te Israel dabego hwįnama, te tuni bidi si aiyaba elaluai. Te augwali si nogi e dao: Sihon, me Ok. Sihon te Amor dabego genuai tuni bidi, aga te Hesbonde bidai. Te agai tonaluali hanu te Aroer tǫde gagalama, te odogo malu elalubo tǫ Arnon sesege dąį igi pelama, tama te bulu badu dąį elama, tama pelama, te wę Jabokba usu nani. Te wę Jabok te bulu Arnon dabe de te Amon dabe dali sigo dąį elaluai. Te hanu te Gileat hanu pedai badu elaluai. Tama te Jordan wę tǫ dolo elalubodu te sia ge pedalubo badu sigi ąį tǫ Galili hanu badu dąį gagalasa pelama, te Bet Jesimot te Isai Tamu Ąį dąį igi pelama, tama palio olama, te Pisga bulu du pageba, te tǫ me bogo badu dąį igi pai dao.

Tama te Israel dabe augwaligo te Basan hanu genuai tuni bidi Ok dali boi hwįnama, tama aga aiyaba elaluai. Aga te Refaimgo hani bidi. Polobadu te hani genuai elaluali, tama megi da te augwali dwasianu hani naga elalubo. Ok genuai tuni bidi te bulu Astarot, me Edrei, te bulu side bidai. Okgo te bulu du Hermon badu me, te Saleka, me te tigidali Basan badu pelama, te Gesur dabe badu, me Maka te sesegeba usu nigi pelama, tama te Gileat badu te tuni bidi Sihongo tolalubo badu sigi pelama, tonalubo dąį yai. a  Moses dali te Israel dabe augwaligo te boi hwįnama, te tuni bidi si aiyaba elaluai, polobadu. Tama Moses, te Genuai Bidigo sę bidigo, te augwa si tǫ te Rubengo hanibolo mobadi, te Gatgo hani me, te Manasego hani me badubolo mobadi yali. b 

Te tuni bidi dabe me te bulu dabe Josuago boi hwįnama, aiyaba elaluali

Josua dali, te Israel dabe dali, augwaligo te Jordan wę te sia ge dega sabo badu te tigidali genuai tǫde bidali tuni bidi tigidali aiyaba elaluali, te Lebanon odogode elalubo bulu Balgat tede gagalasa, te Halak bulu du badu te Idom pąde, teba usu nigi pai. Tama Josuago te tǫ dobolama, tama te Israel hani sibibolo menama, tama megi te augwa page bulu mu gagalama bidibo dao. Te mani tǫ da, te bulu du dabe elalubo tǫ, te dwasianu bulu du dabe, me te Jordan malu bulu me, tama te Jordan ąį pąde te dwasianu bulu du elalubo me, te olo kemi tǫ bulu elalubo madi me, te Negev bulu te dąį igi pai. Polobadu te Hit hani bage me, te Amor dabe me, te Kenan dabe me, te Peres dabe me, te Hivi dabe me, te Jebus dabe me, augwali tigidali te genuai tǫde bidaluai dao.

Te e nogi da te boi hwįani sogo te aiyaba elaluali tuni bidi dabego hanu nogi e dao: Jeriko, me Ai, te Betel bulu pąde elaluai, 10 Jerusalem, Hebron, 11 Jarmut, Lakis, 12 Eklon, Geser, 13 Debir, Geder, 14 Horma, Arat, 15 Lipna, Adulam, 16 Makeda, Betel, 17 Tapua, Hefer, 18 Afek, Lasaron, 19 Madon, Hasor, 20 Simron Meron, Aksap, 21 Tanak, Megido, 22 Kedes, Jokneam te moni tǫ pedai Karmelde elaluai, 23 Dor te nabis sese pąde elaluai, te Goim bulu te Gilgal tǫde elaluali, 24 tama Tirsa meo. Te tiwai te tigidali tuni bidi te bidi sese olama, nogo si te me badu deli, te tama usu nama tigidali bidiyu, tama Josua dali, te Israel dabe dali si, augwaligo te tuni bidi dabe tigidali aiyaba elaluama, augwaligo tǫ sai dao.

Copyright information for `MPS