Psalms 121

Genuai Bidi te da tonalubo bidi dao

Eno te bulu du dabeba tonono ebao.
Tiali goli, ena tau sabo bidi menadu
pedelaibawe?
Menio. Genuai Bidigo dagalu dali, tǫ dali nigali,
agai deligo naga ena tau sabo dao.
Te agai nage tulalumainu me egobeo.
Te agai nage tonalu,
tama aga me pigobeo.
Bugagia odao.
Agai te Israel dabe tonalubo dao,
tama aga dwasianu me pibeo. Mu menio.
Genuai Bidi agai te nage tonalubo bidi dao.
Aga te nage pąde dolalu, tama nage tonalubo dao.
Te giliga sesani te nago tigide me egobeo,
tama te hulide te poluago nage me dologobeo.
Genuai Bidigo te nage tonalu,
tama te dwai naigo nage dolidali weyu tiaibao.
Agai nage tonaluaibao.
Te nago be taga pabo sogo,
te Genuai Bidigo nage tonaluaibao.
Tama te nago ma asobo sogo me, te agai nage tonalubao,
tama megi me, te tigidali sogo
nosali bidibode me, te tiaibao.
Copyright information for `MPS