Psalms 134

Dago te God nogi ugwaba sao

Dage Genuai Bidigo sę bidi tigidali,
te agai tedali wiegi yai tempel bede
te hulide sę ebo da, dagego agai nogi ugwaba siąo.
Dagego te tempel be tomode
gedu haluasa po bomo elama weyu,
tama Genuai Bidigo nogi ugwaba sao.

Genuai Bidigo te dagalu me tǫ nigali,
tama te Saionde bidiyu, eno homugo agai dage dali
wiegi yai sę emainao.
Copyright information for `MPS