a[Ef 4:26]

Psalms 4

Te Devitgo asęani balia po me deli dao.

Te hulide bidi me deli te bomo sainu gedu haluasa po wai

God, nago ena tonalubo bidi da.
Te eno nageba i wabo sogo,
nago te eno i wabo odoyu, tau sao.
Polobadu ena haliga sęgę dwai ebaso,
tama nago eno te haliga sęgę ebo dagala sąwani.
Nago te olo mu tau sabo
wiegi yai kolesaga enaba megi elama, tama eno
gedu haluasa wabo po odao.

Dage nogi elalubo bidi dabego,
te nisu naga sogo te dagego nogi
posobo po enaba obawe?
Nisu naga sogo dagego te haniani te dwai
sę ebo godolo homu iduaibawe?
Nisu naga sogo dagego te tibo po wabo
kolesaga wali piduaibawe?

Tiali goli, dagego te ebo sę koneiąo,
te aga pagede bidibo we bidi,
te Genuai Bidigo augwali sa muani,
te aga da weyu yali.
Tama tigidali sogo eno agaba i obaso,
agai eno te wabo i odobo dao.
Dage te Godide wi elama, tama
te dwai sę ebo kolesaga tagaliąo.
Te dage betde godege pibo sogo,
dagego tede bugagia kone paliyu,
tama pedauwali pania siąo. a 

Dagego te Genuai Bidigo wei eyu
godolo ebo tobage ofa dabe iyąo.
Tama dagego konealubo homu agaba dąų mu waiyąo.

Bidi hauwago te tama po wabo dao,
“Dago te wiegi yai nai dabe sobaso da,
teda dago homu pemene
wiegi yai yaibao,” wabo.
God, nago te olo mu tau sabo wiegi yai
kolesagago te da tau sao.
Te wit me wain te gide hauwa pedalubo sogo,
te bidi dabe augwa wiegi yai homu
pemene ebo dao.
Tiali goli, te nago eno homude muani
wiegi yai pemene ebo homugo,
te augwaligo wiegi yai homu pemene ebo
te aiyaba mu elalubo dao.

God, nago naga ena tonalubaso,
tama ena bugagia bidibao.
Tama tiyu, eno te magi nai me delide wi me ebeo.
Te ena betba pabo sogo, te polo tama ena pibadi,
nago ena tonalubo dao.
Copyright information for `MPS