Psalms 63

Devitgo te balia asęani, te aga te Juda bagego te bidi meni yai bulude bidali sogo, teba kone paliyu, te balia asęai. Te 2 Samuel 15:23-28, tede elalubo po suao.

Te bidigo homugo te God aga dali bidimainu homu eyu, gedu haluasa po wai

O God, nage eno God dao.
Eno nage gegebo sę bomo ebao.
Te eno homu ogwa waigo te nage dali
bidabo homu godolo mu ebao.
Eno tigigo me, te nage dali bidabo homu godolo yali,
te bidi te wę meni yai wa pai bulude
te wę nogonego sabo tiwai gilama yai.
Eno nage te naga mena wiegi yai bede
mu suabo homu elama,
tama eno homugo te nago genuai
bomo te enabolo ola momainu
homu yali, tama nago genuai
nogi yai ula me te ola momainu yai.
Te e tǫde bidibo ula te wiegi yai yai,
tiali goli nago te da sesemane
godolo ebo wiegi yai kolesaga te polalubo dao.
Tama tiyu, eno nago nogi ugwaba sabo dao.
Te eno nageba usu da weyu,
tama nago nogi ugwaba sidubadi,
te ena isibo siba usu naibao.
Te eno nogo ugwaba selama,
tama nageba gedu haluasa po waibao.
Te eno homu ogwa wai mobo
te wiegi yai mu elalubao,
te bidigo wiegi yai nai dabe tulama,
tama te usu yai tiwai gilama yai.
Tama ena wiegi yai pemene elama,
tama nage nogi ugwaba sabo dao.
Te ena betba pigilubo sogo,
te eno nageba homu kone palu ebo dao.
Te hulide eno homu kone nageba naga ebo dao.
Magi baso meni, nago ena sesemane sogo tau sali.
Ena nage pąde bidali,
te kakaruk wai te aga idago bogo
dologode bidibo tiwai gilama eyu,
tama eno te wiegi yai pemene ebo balia po wali.
Ena nage dali bilibaso,
tama nago ena bugagia tonalubo dao.

Tama te ena ela muabo homu ebo
bidi dabe, teda augwali
te isibo bidi dabego pesageba dulaibao.
10 Te hwįbo side augwali isibaso,
tama te uni yowi dabego augwaligo
tigi te pesela tuaibao.
11 Tiali goli, ena king da, te eno wiegi yai pemene
te nage Godiba yaibao.
Te bidi dabego nogo guni sisu muyu,
tama nago nogi weyu, tama augwa
po dąų wabo bidi dabe,
te augwaligo nage wali pabo bidi dabe,
augwa te wiegi yai pemene mu emainao.
Tiali goli, nago te tibo po wabo bidi dabego
pedauwali pania somainu yaibao.
Copyright information for `MPS