Psalms 70

Devitgo te balia po asęai. Te Godigo olo tau sali wiegi yai kolesaga yalide, te augwaligo homu kone ma palubo sogo da, teda augwaligo te balia wai dao.

Bidigo te Godigo aga tau somainu gedu haluasa po wali

God, nago ena ma sao.
Genuai Bidi, nage polo aselama,
ena tau sagasao.
Bidi mebago ena ela muainu ebao.
Tama tialima, nago augwali homu puna palama,
tama augwali aiyaba mu elaluao.
Tama bidi mebago eno sęgęde wiegi yai pemene yali.
Nago augwali ibaba ma kilasa pomainu elama,
tama dwai hale somainu yao.
Bidi mebago enaba posobo po wali.
Tialima, nago augwali mu dwai ilama,
tama augwali hale mu emainao.
Tiali digi, te nageba asobo we bidi
augwali da, augwa te bugai haliga elama,
tama nageba pemene emainu yao.
Te tigidali we bidi nago augwali ma sali,
tama te nago augwaliba yali sęde
te augwaligo wei mu yai,
augwa te tiwai po omainu emainao,
“Godigo nogi ugwanu mu elalubao.”
God, eno bomo meniama, tama ena digi
ena ma tau sabo usu isąwai.
Tama tialima, nage polo enaba asao.
Genuai Bidi, nago naga nago ena tau selama,
ena ma sali bidi dao.
Tama tialima, nago sesabi gana elama,
me tonalugio. Polo asao.
Copyright information for `MPS