a[Jo 10:34]

Psalms 82

God te polalubo king dao

God te dagalude genuai kaunsel miting
po mibo polalubo bidi bidibao.
Te tobolu bidi dabe sisinama,
tama God agai homude elalubo po pusubo dao.
Agai te tama po wali,
“Dagego te tibo po tų eyu,
te po me bugagia dodolobeo.
Tama dagego te bidi dwai dabe
te po tųde tau sabo sę eyu yali.
Te tobage dwai kolesaga ebo tagaliąo.
Dagego te magi nai meni yai bidi dabe,
me te tiana wai dabe tau sao.
Tama te sęgę toloyu, bugagia bidisąbo bidi dabe,
dagego augwali bugagia wiegi yai ilao.
Tama te dwai bidiyu,
te doado bage sǫą pai bidibo we bidi dabe,
dagego augwali te dwai bidi dabego
nogode ma dobola sao,” po wai.

“Dagego kolesaga me konebeo,
tama dage kolesaga me konesiąyu,
tama umuna pai mu dao.
Dage te hulide biliyu, tama te we bidi dabego
doloba pai kolesaga wali me pabeo.
Eno te po wali, ‘Dage tigidali deli deli te god dao.
Dage te Ugwanu Mu Bidibo
Godigo wai dao.’ a 
Tiali goli, dage te isibo bidi dabe
tobage tiwai gilama, te dage me isaibao.
Te dagego bidibo ula te silaibao,
te kingo wai dabe te bidali ula tagalu,
te isibo tiwai gilama te silaibao.”

God, nage aselama, tama te tǫde we bidi tigidali
tonaluagasao.
Te tigidali bage te naga hani naga dao.
Copyright information for `MPS