Psalms 87

Augwaligo Jerusalemde wiegi yai pemene yali

Godigo aga taun te aga bulu dude digi nigali.
Genuai Bidigo Israelde gasa tigidali
elalubo bulu te wei homu yali,
tiali goli agai te Jerusalem te wei mu yai dao.
Te Godigo taunde we bidi dabego, odao.
Godigo te wiegi wiegi yai sę dageba ebo dao.
Godigo te tama po wali,
“Te eno ena po wali pabo hani bage
augwali nedebo sogo da, teda eno te Isip me Babilon
te augwali dali nedaibao.
Tama eno te Filistia, me Tair,
me Itiopia bulu dabeba te tama po waibao,
augwali me te Jerusalem bage dao, waibao.
Te eno Jerusalemba te tama po waibao,
‘Te bulu te tigidali hani we bidigo bulu da.’
“Tama te Ugwadu Mu Bidibo God,
aga digi te Jerusalem dodolama,
tama bomai mu elaluaibao.
Te Genuai Bidigo te gasa hani
we bidi dabe augwaligo nogi asęnama,
tama augwali sisinama, tama augwali dali nedeyu,
te Jerusalem we bidi dali nedaibao.
Tama te Jerusalemde bidali we bidi dabe,
te augwaligo tęąbi weyu, wiegi yai pemene yaibao.
Tama augwa te tama po waibao,
“Jerusalem da, te nago dolo mu tama,
tama nage te wiegi yai kolesaga
tigidali ebo page mu dao,” waibao.
Copyright information for `MPS