c28:30AlGe 27:21; Log 33:8; Esil 2:63; Neh 7:65

Exodus 28

Topowon ali Kaliko

Nu ba talim Eloni alonau natunau Nadaba, Abihu, Eliyesa ge Idamal nihi nem elam, inoke nu teli getogaagil Isileli gegewel al elal nihi topowon eliyau.

Kaliko bwabwalel nu ginolil talim Eloni kaiwena, inoke ana awa ni waisi ge gamagalau nihi awatauwan.

Yehoba i ba kaliko bolo hiwe nihi ginolil topowon bwabwatana Eloni kaiwena: holahola yayapona hot,
28:3-5Holahola yayapona hot ya i lau paiya ana siga aen pwatana elana ge nimana hi gan, ge i ola kaliko toto gamagalau gegewel wali galogaloi. Kaliko waiwaisana elana hi ginoliya, yaa nige ana kala. Pwatanaa holahola yayapona, ipod ge babagal ana kama ni galoi. Holahola yayapona (puna 31-35), ipod (puna 6-14), babagal ana kama (puna 15-30), kowakowa ana eyabom (puna 36-38) ge wasikewa (puna 39) liwaniliya iyoho paiya.
holahola yayapona, holahola etegana alana ipod, babagal ana kama, kowakowa ana eyabom, ge wasikewa. Ge kaliko nihi ginolil al Eloni natunau kaiweliya. (puna 3-5)

Topowon Bwabwatana ana Kaliko

Yehoba i ba hihiu ali kala bulu, pepol ge keketina ginebi hihiu kaliko waiwaisana kaiwena ge gold nihi ahe holahola etegana alana ipod
28:6-11Ipod ana yapu nige ta aatena, yaa tabam ana yapu i ola kila wala set (shirt).
nihi ginol. Ana egimwan labui nihi hek vevelanaa ge nihi loek eputetenaa inoke kaliko ipod ni kukulatahin. Pat waiwaisal labui alaliya kaneliyan nihi teliya ana egimwan elal, tau vevelana pwatanaa. Pat labui ya elana Isileli ali un alaliya nihi leliya, pat etega alan sikis ge eluwana alan sikis. (puna 6-11) Yehoba i ba:

12 “Pat nu telel ipod ana egimwan elal Isileli ali un elulutega eluwa etotoheliya. Inoke alaliya Eloni ni kalivai vevelana pwatanaa, yaka nau Yehoba no gamagalau na nuwahikagil sauga gegewena.”

Kaliko etegana Yehoba i ba nihi ginol te babagal ana kama, ana yapu ge ana manamana nihi olaolaek tuwenti tu sentamita (22 cm). Nihi hel gabom gamwana ni gan ni ola nabwa. Pat waiwaisal elulutega eluwa nihi am hikan babagal ana kama elana. Pat maisena ge maisena elana Isileli ali un alaliya nihi leliya, pat etega alan etega. Babagal ana kama nihi ginol ola to, inoke nihi am hikan ipod ana egimwan elal nige ni sosogu. (puna 15-28) Yaka Yehoba i ba,

29 “Sauga ebo Eloni ni ulutuk Aban Bwabwalena gamwanaa, Isileli ali un alaliya ni kalivai iyoho hi mina babagal ana kama elana, inoke nau Yehoba no gamagalau na nuwahikagil sauga gegewena. 30  c Ulim ge Tamim nu usan babagal ana kama gamwanaa, inoke sauga ebo Eloni ni tuk Aban Bwabwalena gamwanaa maniniwa, ni kalivail babagalinaa. Inoke bugul bolo i papatuwalali no nuwatu i loloyaan no gamagalau kaiweliya, ni kalivail babagalinaa nau Yehoba maniniwa.”

Yehoba i ba holahola yayapona
28:31-34Holahola yayapona ana yapu nige ta aatena, yaa tabam i lau ana siga tau epwakokonaa. Ebo holahola yayapona nimana hi gan, tabam hi kaubwa ya.
ana kala bulu nihi ginol. Isela ge kal ona nihi pakuki painan holahola buhuna toto i kuki lau elana. (puna 31-34) Yehoba i ba:

35 “Eloni holahola yayapona ya ni galoi abwe ni tuwalali kaiweu. Sauga ebo ni ulutuk Aban Bwabwalena elana ni nem nau Yehoba matawa o ebo ni tagil al, kal butuliya ni gan inoke nige ni aaliga.”

Eloni kokowana ana eyabom ni gan al. Yehoba i ba gold nihi bub pamanamana, ana leleli nihi ginol yaka nihi am hikanek eyabom elana. Leleli toto nihi lelelian gold elana ni ba, “Bwabwalena Yehoba elana.” (puna 36-37) Yehoba i ba:

38 “Leleli o ni minaa Eloni lamwanaa. He sauga ebo Isileli wali mulolu nihi pwatanim nihi pwabwabwalena elau, yaka wali gegi Eloni ni kalivai. Sauga gegewena leleli ni teli lamwanaa, inoke nau Yehoba gamagalau na awa sapusapu-agil.

39 “Nu ba hihiu kaliko waiwaisana kaiwena nihi ahe holahola yayapona hot
28:39Holahola yayapona hot bana, 28:3-5 ana epwamwananal paiya nu kite.
nihi ginoliya, i ola al hihiu kaliko waiwaisana kaiwena elana kowakowa ana eyabom nihi ginoliya. Hihiu ali kala tomaha nihi ahe matan nihi palul ginol, yaka eliyana wasikewa nihi ginol.

Topowon al ali Kaliko

40 “Nu ba holahola yayapol hot, wasikewa ge kowakowa ana eyabom nihi ginolil Eloni natunau kaiweliya, inoke ali awa ni waisi ge gamagalau nihi awatauwagil.”

Yehoba i ba Eloni alonau natunau nihi pagaloil kaliko bolo o elal ge nihi pwabwabwalena-agil tuwalali kaiwena. (puna 41-43)

Copyright information for `MPX