Exodus 39

Topowon ali Kaliko

Hihiu ali kala bulu, pepol ge keketina hi ahe topowon ali kaliko hi palul yaka nihi galoi sauga nihi tuwalali limi bwabwalena gamwanaa. I ola al kaliko bwabwalel enuna hi ginolil Eloni kaiwena, i ola Yehoba wana baaba Mosese elana.

Ipod

Hihiu ali kala bulu, pepol ge keketina ginebi hihiu kaliko waiwaisana kaiwena ge gold hi ahe holahola etegana alana ipod hi ginol. Ana egimwan labui hi ginol hi hek tau vevelanaa ge hi loek eputetenaa inoke kaliko ipod i kukulatahin. Pat waiwaisal labui alaliya kaneliyan hi teliya ana egimwan elal, tau vevelana pwatanaa. Pat labui ya elana Isileli ali un alaliya hi leliya, pat etega alan sikis ge eluwana alan sikis. (puna 2-7)

Babagal ana Kama

Hihiu ali kala bulu, pepol ge keketina ginebi hihiu kaliko waiwaisana kaiwena ge gold hi ahe kaliko etegana alana babagal ana kama hi ginol. Ana yapu ge ana manamana hi olaolaek tuwenti tu sentamita (22 cm). Hi hel gabom gamwana i gan i ola nabwa. Pat waiwaisal elulutega eluwa hi am hikan babagal ana kama elana. Pat maisena ge maisena elana Isileli ali un alaliya hi leliya, pat etega alan etega. Babagal ana kama hi ginol ola to, inoke hi am hikan ipod ana egimwan elal nige i sosogu. (puna 8-21)

Kaliko Enuna al

Holahola yayapona ana kala bulu hi palul. Isela ge kal ona hi pakuki painan holahola buhuna toto i kuki lau elana. (puna 22-26)

Hihiu kaliko waiwaisana kaiwena hi ahe topowon ali sulu ge kokowaliya ana eyabom hi ginol al. Hihiu ali kala bulu, pepol ge keketina ginebi hihiu kaliko waiwaisana kaiwena hi ahe ali wasikewa hi ginol. Gold hi bub pamanamana, ana leleli hi ginol, yaka hi am hikanek topowon bwabwatana kokowana ana eyabom elana. Leleli toto hi lelelian gold elana i ba, “Bwabwalena Yehoba elana.” (puna 27-31)

Mosese Gegewena I Hile

Inoke gegewena hi pwamowasi ge hi pwatanik Mosese elana. (puna 32-41)

42 He Isileli tuwalali gegewena iyaka hi pwamowasi haba, i ola Yehoba wana baaba Mosese elana. 43 Inoke Mosese wali tuwalali i hile ge i pwawa iyaka hi ginol i ola Yehoba wana baaba. Inoke Mosese i awanun Yehoba ni muloluagil.

Copyright information for `MPX