Matthew 1

Yeisu ana Lihu

(Luke 3:23-38)

Yeisu Keliso ana lihu i ola hiwe. Yeisu Keliso iya Deibid tubutubunina, Deibid iya Abalahama tubutubunina. a 

Abalahama natuna Aisake,
Aisake natuna Yakobo,
Yakobo natunau Yuda ge talinau,
Yuda natunau Peles ge Sela, hinaliya Tama,
Peles natuna Hesiloni,
Hesiloni natuna Lama, b 
Lama natuna Aminadaba,
Aminadaba natuna Nason,
Nason natuna Salimon,
Salimon natuna Bowasa, hinana heiya Leyabi,
Bowasa natuna Obedi, hinana heiya Ludi,
Obedi natuna Diyesi, c 
Diyesi natuna Kin Deibid.
Deibid natuna Solomon, hinana heiya toto valila Ulaiya lagona, d 
Solomon natuna Lehobowam,
Lehobowam natuna Abaidiya,
Abaidiya natuna Asa,
Asa natuna Yehosepat,
Yehosepat natuna Yolama,
Yolama natuna Usaiya,
Usaiya natuna Yotami,
Yotami natuna Ehasi,
Ehasi natuna Hesekaiya,
10 Hesekaiya natuna Manasa,
Manasa natuna Eimon,
Eimon natuna Yosaiya,
11 Yosaiya natunau Yehoyasin ge talinau,
sauga toto Babiloni hi nem
Isileli hi ahel ge hi na hi telel Babiloni. e 
12 Isileli hi ahel ge hi na hi telel Babiloni inoke enaa:
Yehoyasin natuna Seyaltiyel,
Seyaltiyel natuna Selababel, f 
13 Selababel natuna Abiuda,
Abiuda natuna Elayakim,
Elayakim natuna Eiso,
14 Eiso natuna Seidok,
Seidok natuna Asim,
Asim natuna Eliuda,
15 Eliuda natuna Eliyesa,
Eliyesa natuna Meitan,
Meitan natuna Yakobo,
16 ge Yakobo natuna Yosepa, Meli lagona.
Meli i ab Yeisu, heiya te ta ba Mesaiya.
17 He inoke Abalahama ana siga Deibid ta pwawa heyan ali gewi potin, Deibid ana siga sauga toto Isileli hi telel Babiloni heyan ali gewi potin, ge sauga toto o ana siga Mesaiya i masal heyan ali gewi potin.

Yeisu Keliso wana Masal

(Luke 2:1-7)

18 Yeisu Keliso wana masal i ola hiwe. Hinana Meli alona ge Yosepa hi kawakawalolu. Nigeya ga hi aalolon, hi pwawa Meli iyaka i liyan Yayaluwa Bwabwalena wana gasisi eliyana. g  19 Yosepa wana pagan i sapu ge nige nuwana Meli ni papuluwawi-an boda mataliyaa, inoke i nuwatu tage wali kawakawalolu ni leke sume. 20 I nuwanuwatu ola o, yaka ana kenonou elana Yehoba wana anelose i masala elana ge i ba, “Yosepa, Deibid tubuna, bahi nu lolovakun te Meli nu ahe lagom, kaiwena wana liyan i neem Yayaluwa Bwabwalena elana. 21 Abwe ni ab natuna melutau, inoke alana nu tun Yeisu,
1:21Alan “Yeisu” ana sapu i gan heiya “Yehoba ni pwamwal.”
kaiwena wana gamagalau ni pwamwalil wali gegi elana.” i 

22 He i masal i ola to, inoke Yehoba wana baaba toto palopita etega i pamasal i tabwa tunahot, 23 i ba, “Gamaina matabubuwa ni liyan ge ni ab natuna melutau, inoke alana nihi tun Imanuwela.” Imanuwela ana sapu heiya “Yehoba avala.” j 

24 Sauga Yosepa i kenu lut, inoke Meli i alolonan i ola Yehoba wana anelose wana baaba eliyana. 25 Yaa nige alona hi kekenu toyawa ana siga i ab natuna melutau. Inoke Yosepa wawaya alana i tun Yeisu. k 

Copyright information for `MPX