d1:52Sm 7:14; 1Kr 17:13; Sam 2:7; Apa 13:33
e1:6Deu 32:43; Rom 8:29
f1:7Sam 104:4
g1:8-9Sam 45:6-7
h1:10-12Sam 102:25-27
i1:13Sam 110:1
j1:14Sam 34:7; 91:11

Hebrews 1

Usiwa Me Painauvit Aneya Me Mina Onan

Watavit ampa God me isimuranaiwa gumbo wane. Propeta gumbo kum obiren di, sira ebu obiren gumbe wane. a Kum gare oieba apa, Usiwa gumbe did nunne. God ane Usiwa me dividivi undag wadnewa me kwan autan oya. Usiwa gumbe dividivi undag piyuwawa ge kwiminauwa undag waramne. b Usiwa me God eyawa esinewa, me God anoanowawa irayauyau. Gae yusipamit gumbe dividivi undag waramnewa amaraivi. Me wait ane kukaeba muinne, yusipama painauvitwa yutanwa apa yan wakene. c Usiwa me iviwa oraiwa kwan aune, aneya mina onan. Mame mina, me ane oraivitwa, aneya mina onan.

d God me aneya ambuwa gumbe mameib wane?

“Ge ne Utunwa. Gare ge ne barau genna.”
Sira,
“Ne me Mamaven atna. Me ne Utunwa ape.”
e Sira God usiwa namuirenwa baraune onnewa kumiwa apa, me mamaib wane,

“God aneyaeba mu Usiwa waiya waiya atanit di.”
f Sira aneya oya mamaib wane,

“God ane aneya taig mina,
sira ane nau eme igiyawa iyam meru mina.”
g Usiwa oya me mamaib wane,

“God, ge kin seyaeba auwawa viripusiwa onan.
Ano oraiwa tutuwawa me Ge toimuwagwa tutuwawa.
Ge oraiwa baigan ege. Ge ano kukaeba topai ege.
Meoya God, God geuma me ge painau barau genne,
aigo geuma mu mina onan.
Ge waribiya gennewa me degadega oira kadnawa gumbe.”
10  h Sira wane,

“Ayapan, ge namuiren piyu amatowanawa.
Kwimin me mina ge nanigap warana.
11 Dividivi undag mame matai onanape.
Megara ge meib di wakeigima viripusiwa onan.
Dividivi undag matai enwape mina kukai mutpe.
12 Ge dividivi mame matai wape yobutataewa mina panatpewa,

Dividivi mame matai wape mina tobiyape.
Megara ge gembo den tobiya, sira ge bairawan geuma oieba onan.”
13  i Aneya me ambuwa gumbe God mamaib watavit wane?

“Ge ne nanin yutanwa gumbe yan wakeya.
Ne matai atna, anavi geuma ge amagwa egave emtanwa ape.”
14  j Aneya undag mu guwowa mu upeba munan nau emewa. God me aneya tene onamiyawa, waita kwanawa aupe igiyawa nau mumawa atan oya.

Copyright information for `MTI