Luke 3

Babataito Abnawa Jon Ebu Waribiyaivi

Siisa Tiberius amaraivi kumiwa gumbe bairawan 15 danave, Pontio Pairat me Judia apa kokawa at amarag wakene. Erod me at Gariri ayapaneba, sira Erod gwaneba Pirip me at Ituriya ge at Terakonitis ayapaneba, sira Rusania me at Abirini ayapaneba. Annas ge Kayapas mu pirisi painauvitwa wakeyawa kumiwa apa, at inguiwa arawa apa God gaiyawa Jakaraya usiwa Jon gumbe uwane. a Jon me yoi Jodan birorot visigambenwa undag aig, opata me nonemagowa biroriyag babataito atan oya, wag dirumivi. b Propeta Aisaya gae meuma bukaeba danave aib tene:

“At inguiwa arawa danave apan da noiwa auwaivi,
‘Ayapan oya ebu waribiya, ebu siwavit menan waribiya.
At togewa undag umpe,
tui ge oiewa baraupe pawawa ape.
Ebu gegerainewa wasiwampe siwavit ape,
sira ebu aig ge dauwanewa moiyuppe.
Iyayapan undag mu God waita meuma yaupe.’”
c Iyayapan mu Jon gumbe babataito atan oya uwag agoniyaya. Jon wag dirumne, “Ye mokare kukaeba usitainawa! Bira wat diruine ye oma ane God danapiri meuma oniviwa me aninin gaveamon? d Nonemagewa biroriyag natawa oraivit inamigimiya. Ye den amatog yenan waya. ‘Nu mamunwa me Ebraam.’ Kuiyawa ne ye diruitna, God oma ane an mame tobiyape Ebraam usitainaven ape. e Gwit yoma taiwa apa wait baraune wakene, sira yoma desirom desirom me natawa oraivit den impewa me kwatpe aikpe, me iyam danave aorepe.”

10 Iyayapan agoniyayawa singui waya, “Nu aninin aton?”

11 Me garawa wane, “Apan wape duwam gaibuwa me wape onanwa gumbe keb ag mumpe. Nakwai mina meib ape.”

12  f Takesi tameme igiyawa mu mina babataito atan uwaya. Mu singui waya, “Toewanewan, nu aninin aton?”

13 Me dirumne, “Sira tamtan diruyeniyawa mekut tamiya, da den tamiya.” 14 Meve mut igiyawa me gumbe singui waya, “Nu anin aton?” Me gara wane, “Den ayamun anmaga tamiya, sira den ugaimun ibnawa muniya. Garawa yeuma gumbe degadega aya.”

15 Iyayapan Keriso oya anog amareme, meoya nonowa danave anopipanum eme anten Jon me Keriso go. 16  g Jon gara gumbo wane, “Ne yoi gumbe babataito ayemeni. Megara apan da yusiwa kokavitwa me matai uwape. Ne oma den ane me sandoro murapeba vetna. Me Guwawa Iyakaisiyapama ge iyam gumbe babataito aiyempe. 17 Me ereri kokawa meuma me nanive, sira me natawa ge kwapiwa kepteivi arawa yug waribiyape. Nakwai wiit agoniyag buim meuma danave tepe, meve nakwai wiit kwapiwa iyam yaibobot danave aorepe itpe onanape.” 18 Gae gina ubeubewa gumbe Jon iyayapan toyau munne, sira gae oraiwa opata mu gumbo wane.

19  h Megara Gariri Ayapaneba Erod me Erodias me tatawa biviwa oya ge dividivi undag kukaeba meuma anewa oya, Jon me Erod diengudne. 20 Meoya me Jon nog danave baraune. Kukaeba meuma undag gumbo kukaeba da desirom me gaibu agoniyane.

Iesu Babataito Ge Dam Desiroma Meuma

21 Meve iyayapan undag babataito ayawa, Iesu gaibu babataito ane. Me nun waiviwa, kwimin watabne. 22  i Guwawa Iyakaisiyapama me umuk mina aig on egave wakene. Noiwa kwimin apa uwane: “Ge ne utunwa nonenmagawa gungap aviviwa. Ne gungap degadega eni.”

23  j Sira Iesu nau meuma amatonewa, bairawaneba me 30 mina. Iyayapan anoyawa me Josep usiwa,

me Eri usiwa,
24 Matat usiwa,
Rivai usiwa, Meruki usiwa,
Jannai usiwa, Josep usiwa,
25 Matatias usiwa, Emos usiwa,
Naum usiwa, Esuri usiwa,
Nangai usiwa,
26 Mat usiwa,
Matias usiwa, Semein usiwa,
Josek usiwa, Joda usiwa,
27 Joanan usiwa, Resa usiwa,
Jerubaberu usiwa, Searutieru usiwa,
Neri usiwa,
28 Meruki usiwa,
Adi usiwa, Kosam usiwa,
Erumadam usiwa, Eru usiwa,
29 Josiya usiwa, Erieseru usiwa,
Jorim usiwa, Matat usiwa,
Rivai usiwa,
30 Simeon usiwa,
Juda usiwa, Josep usiwa,
Jonam usiwa, Eriakim usiwa,
31 Merea usiwa, Menna usiwa,
Matasa usiwa, Neitan usiwa,
Devid usiwa,
32  k Jesi usiwa,
Obed usiwa, Boas usiwa,
Sarumon usiwa, Nausion usiwa,
33 Aminadab usiwa, Admin
3:33Namu tenewa dawa upeba danave Admin den wakene.
usiwa, Aruni
3:33Namu tenewa dawa danave me Aram go Ram.
usiwa,
Esuron usiwa, Peret usiwa,
Juda usiwa,
34 Jekob usiwa,
Aisak usiwa, Ebraam usiwa,
Tera usiwa, Naoru usiwa,
35 Serug usiwa, Reu usiwa,
Pereg usiwa, Eber usiwa,
Seira usiwa,
36  n Keinan usiwa,
Arupakad usiwa, Sem usiwa,
Noa usiwa, Remek usiwa,
37 Metusera usiwa, Enok usiwa,
Jered usiwa, Maarareru usiwa,
Keinan usiwa,
38  o Enosu usiwa,
Setu usiwa, Adam usiwa,
God usiwa.
Copyright information for `MTI