Song of Solomon 7

Toko 7

Miverena, miverena, ry Solemita; Miverena, miverena, mba hijerenay anao. Inona no hitanareo amin'ny Solemita? Dihy tahaka ny an'i Mahanaima
Na: ataon'ny mpandihy roa tonta;
.
Endrey! mahate-hijery ny famindran'ny tongotrao mikiraro
Heb. mikapa
, ry zazavavy zanak'andriana! Dia tahaka ny firavaka ny amboam-penao, nataon'ny tanan'ny mahay zavatra.
Ny foitrao dia tahaka ny tomaboha kivorivory; Tsy ho diso divay noharoharoan-java-manitra anie izy! Ny kibonao dia tahaka ny vary tritika voatoby sady voaravaka lilia manodidina. Ny nononao roa dia tahaka ny gazela kambana mbola tanora. Ny vozonao dia tahaka ny tilikambo ivory; Ny masonao dia tahaka ny kamory any Hesbona, dia eo am-bavahadin'ny tanàna be olona
Na: eo am-bavahadin'i Beta-rabina
; Ny oronao dia tahaka ny tilikambo any Libanona, izay manandrify an'i Damaskosy.
Ny lohanao dia tahaka an'i Karmela, ary ny volon-dohanao milantolanto dia somary volomparasy. Voatanan'ny volo olioly ny mpanjaka! Endrey! tsara tarehy sady mahafinaritra ianao, ry malala
Heb. ry fitiavana
, amin'izao zava-mahafinaritra rehetra izao!
Izato tsangananao dia tahaka ny rofia
palma
, Ary ny nononao dia tahaka ny sampahony.
Hoy izaho: Hananika ny rofia
palma
aho ka handray ny rantsany; Ary aoka ny nononao ho toy ny sampahom-boaloboka amiko, ary ny fofonainao ho tahaka ny an'ny poma,

10 Ny vavanao dia toy ny divay tsara, eny, divay mikorotsaka mora eo an-tendan'ny malalako sady miditra misononoka amin'ny molotry ny matory. 11 An'ny malalako aho, sady manina ahy
Heb. ho amiko ny faniriany;
izy.
12 Avia, ry malalako, aoka handeha ho any an-tsaha isika; Andeha handry any ambanivohitra isika. 13 Dia aoka hifoha maraina koa ho any an-tanim-boaloboka isika; Aoka hizahantsika raha mitsimoka ny voaloboka, sy mivelatra ny voniny, ary mamony ny ampongaben-danitra any no hanehoako ny fitiavako anao. Mamerovero tsara ny dodaima
mandragora
, sady ao am-bavahadintsika misy voankazo tsara samy hafa, na ny vao na ny ela: Efa notehiriziko ho anao izany, ry malalako.

Copyright information for Mal1865