Psalms 114

Bepaŋdi Isilaehi yehitubu-lodaune Isip kwet bikabuŋa ugiŋ diniŋ kap

Koom Isilaehi adi Isip bikabuŋa ugiŋ. Jekop’walaŋ yalakiŋiye adi metambop noli’walaŋ yokwet u bikabuŋa ugiŋ. Unduŋ tiŋa nai uŋaniŋ Judahi adi Wapum’walaŋ metamŋiye uŋgoniŋ hatigiŋ, eŋ Isilaehi yabukahileeŋ yabudokodok yofafaŋeguk.

Imeŋgwaŋ Giminiŋ adi u kaŋ momoŋ tiŋa uguk, eŋ Jodan ime adi woditau mu tiŋa hogok kwambunda tiŋa hakuk. Kaŋ kweboboe wapuhi-wapuhi adi sukuleeŋ meme nabugoŋ tatakut-tatakut tigiŋ, kaŋ tuwai kabekabe heki adi muntaaŋ dompa mihiniŋ nabugoŋ tatakuyau tigiŋ.

Imeŋgwaŋ, maŋgoŋ mintagambune momoŋ tiŋa uguŋ? Jodan ime, dediŋ doktiŋa mu woditauguŋ? Kweboboe heki, hidi dediŋ doktiŋa sukuleeŋ meme nabugoŋ tatakut tatakut tigiŋ? Tuwai kabekabe, hidi dediŋ doktiŋa muntaaŋ dompa mihiniŋ nabugoŋ tatakuyaugiŋ?

Kwet, du kamiŋ Wapum buune hehele tibeŋ. Jekop’walaŋ Bepaŋ agaŋ buŋa gehitubu-dulalak ale hehele tibeŋ. Adigoŋ yobune kawade gineŋ ime dawi mintalak, eŋ kweboboe diniŋ kawade gineŋ ime wapum wodilak.

Copyright information for `NOP