Genesis 36

Ngala ndraye Esau hu

Pe iye ara titiye ta Esau. Pe ngalan handra ara hupohowei Etom.

  • Esau ara iyesou iya Kanaan, pe iwiri pihin hamou ngalan Atah SuElon. Elon ara yiy hamou ndramat para Hit. Pwen iyesou paiwe pe iwiri Oholipamah SuAnah, pe Anah ara noru Sipeyon, yiy ara hamou ndramira Hipi.
Pwen iyesou paiwe yi, pe iwiri Pasemat SuYismayel, pe wayin hamou ara ngalan Nepayot.
  • Pe Atah ara ikuni noru Esau kamai hamou ngalan Elipas. Pe Pasemat ara ikuni norun hamou kamai ngalan Ruwel.
Pe Oholipamah ara ikuni norun hu kamai: Yewus, Yalam, pe Korah. Yihu ara noru Esau kamai, husarayah huro kol Kanaan.
  • Pwen Esau itine pe iwiri nambuyun hu, norun hu kamai pe pihin pe hu ndramat masih huro sura yiy, pe iyasura hu kan tan masih pe iyapolo memelit masikene mepo iro nimnim iyatahu iro pwan Kanaan, ara irakuhuyani hu masih pe huyau huya pwan hambut mwanan hape kili nalin Yakop.
Esau iya mawen kili nalin Yakop, paratesah, menmena hilu iyasura hu kan ta hilu ara soyon iya. Pe pwan hape ara, ara kinlahi hilu pwi. Pwen Esau (Etom) iyau iya pe iyempwan kol hakol ngondron ita pahayi para Seyir. Pe iye ara titiye ta Esau, tama hu Etom masih ita kol ngondron para pahayi Seyir.

10 
  • Pe iye ara ndraye noru Esau hilu kamai malmou,
    • ngala hilu ara Elipas noru Atah pe Ruwel noru Pasemat.
11 Pe Elipas ara, norun hu kamai mayimou ngalahu ara iye: Teman, Omar, Sepo, Katam, pe Kenas. 12 Pe Timna ara pihin hamou iya paiwa Elipas. Pe Timna ara ikuni Amalek. Yihu ara tumbu Esau husarayah iro kili Atah. 13 Pe noru Ruwel hu kamai mahamou ngalahu ara iye: Nahat, Serah, Samah, pe Missah. Yihu ara husarayah iro kili Pasemat, pihin ta Esau. 14 Oholipamah ara nambuyu Esau, pe norun hu ara matimou, ngalahu ara iye kene: Yewus, Yalam, pe Korah. Oholipamah ara noru Anah, pe Anah ara noru Sipeyon. 15 Pe iye ara ngala ndraye noru Esau hu, nepo husarayah pohon tahu.

  • Pe hu noru Elipas, mepo ndrihou ta Esau, ara husarayah pohon para pwaimwa wum hawum-hawum tahu; ngalahu ara iye:
    • Teman, Omar, Sepo, Kenas,
16 Korah, Katam pe Amalek. Yihu masih husarayah pohon, pe hu masih ara ndraye Elipas opu, hunimnim iya kol namandran Etom. Pe yihu ara mangmbu Atah, nambuyu Esau. 17 Pe noru Ruwel hu, ngalahu ara iye: Nahat, Serah, Sammah, pe Missah. Yihu sarayah pohon para pwaimwa wum hawum-hawum pe hunimnim iya kili yowehu tora Etom. Yihu ara mangmbu Pasemat nambuyu Esau. 18 Pe hu noru Oholipamah SuAnah, nambuyu Esau, ngalahu ara iye kene: Yewus, Yalam, pe Korah. Yihu ara husarayah pohon para pwaimwa wum tahu hawum-hawum. 19 Pe yihu ndramat masih ara, ara hu ndraye noru Esau (Etom). Yihu ara husarayah pohon para pwaimwa wum hawum-hawum tahu.

Ngala ndraye Seyir hu

20 Pe iye ara ndromweya ngala hu mbunah kamai noru Seyir. Yihu noru Seyir ara husarayah pohon para pwaimwa wum Hor ita kol Etom. Pe ngalahu ara iye kene:

    • Lotan, Sopal, Sipeyon, Anah,
21 Tison, Eser, pe Tisan. Yihu ara hu noru Seyir kamai, pe husarayah pohon para pwaimwa wum Hor ita nondriya kol namandran Etom. 22 Pe noru Lotan hilu malmou kamai, ngala hilu ara iye: Hori pe Hemam. Pe pisu Lotan hamou ara ngalan Timna. 23 Pe noru Sopal hu kamai, ngalahu ara iye: Alpan, Manahat, Epal, Sepo, pe Onam. 24 Pe noru Sipeyon hilu malmou kamai, ngala hilu ara iye: Aiyah pe Anah. Anah ara ngara kiro nimnim kiyatahu tongki ta taman Sipeyon, pe ngara kiro kol ndrohoyin. Pwen inime hu ngat ndrikou hayah ara ndran ngandrahan iho aliy. 25 Pe noru Anah hilu malmou, ngala hilu ara iye: Tison pe Oholipamah. Oholipamah, ara noru Anah pihin. 26 Pe noru Tison hu kamai, ngalahu ara iye: Hemtan, Espan, Yitran pe Keran. 27 Pe noru Eser hu kamai, ngalahu ara iye: Pilhan, Saapan, pe Akan. 28 Pe noru Tisan hilu kamai, ngala hilu ara iye: Us pe Aran. 29 Pe hu ndramat nepo husarayah pohon para pwaimwa wum Hor, ita nondriya kol namandran Etom, ngalahu ara iye kene: Lotan, Sopal, Sipeyon, Anah, 30 Tison, Eser, pe Tisan.

Ngala hu kenon para Etom

31 Tandrohongan ara, hamou kintayah kenon para Yisrayel mapu, pe yihu ndramat iye ara husarayah kenon para kol namandran Etom.

32 
    • Pela NdraPeyor; yiy ara isarayah Kenon para Etom. Pe hupohowe ngala kolon ara Tinhapah.
33 Pwen Pela imat pe Yopap NdraSera para kol Posrah ara iwiri nokun tehe kenon. 34 
  • Pwen Yopap imat pe Husam para kol Teman ara iwiri nokun tehe kenon.
  • 35 
  • Pe Husam imat pe Hatat NdraPetat isarayah kenon. Hatat ara iya kol Mowap para kiya popahun kiyasura hu para Mitiyan, pe irahu topwei. Pe kolon ara Apit.
  • 36 
  • Pwen Hatat ara imat pe Samlah para kol Masrekah isarayah kenon.
  • 37 
  • Pwen Samlah imat pe Sawul para kol Rehopot, ngilse ndran Yuparates, ara isarayah kenon.
  • 38 
  • Pwen Sawul imat pe Paal-hanan NdraAkpor isarayah kenon.
  • 39 
  • Pwen Paal-hanan NdraAkpor ara imat pe Hatar iwiri nokun pe isarayah tehe kenon iro kolon Pau. Pe nambuyu Hatar ara ngalan Mehetapel, yiy ara noru Materet pihin nondriya Mesahap.
  • 40 Pe hu ndramat iye kene ara husarayah pohon para pwaimwa wum hawum-hawum ta Esau:

      • Timna, Alpah, Yetet,
    41 Oholipamah, Elah, Pinon, 42 Kenas, Teman, Mipsar, 43 Maktiyel, pe Iram. Yihu sarayah pohon para kol Etom. Pe Esau ara tumbuhu Etom masih. Pe aro ara ndraye Etom hu masih husarayah pohon para pwaimwa wum hawum-hawum pe kolohu hakol-hakol.
    Copyright information for `NSS