1 John 2

Yesu Kristo in yermamə kape nasituyen irətawə

Kwajikovə mɨnə kafak, a  yakamrai nəgkiarien e kɨmi əmiə mamni-əhu əmiə mə takhapəh nɨsorien təvhagə has. Mərɨg tukmə kasor təvhagə hah, yermamə kɨrik kapətawə tukrəgkiar atuə kɨn kapətawə kɨmi Kughen. b  Yermamə e In e Yesu Kristo, yemə atuatuk. Yesu e, Kughen rɨmɨvəhsi-pən narpɨnien kape təvhagə has kapətawə kɨmin, nɨtawɨn rɨmnaiyu. c  Nɨtawɨn rɨmnaiyu, pəh nien mə kapətawə pɨsɨn əmə, mərɨg kape narmamə m-fam ye tokrei tanə. d  Mərɨg tukmə kɨtawə kasəri-pən nəgkiarien kape Kughen, e  ramhajoun mə kɨtawə kharkun huvə mə kwənhauə mɨnharkun Kughen. f  Tukmə yermamə rɨmə rɨrkun Kughen g  mərɨg rapəh nəri-pən-huvəyen nəgkiarien kafan, in rameikuə əmə; nəfrakɨsien rɨrkək iran. h  Mərɨg yermamə yame rəri-pən huvə nəgkiarien kafan, i  norkeikeiyen kape Kughen ramkuə əfrakɨs kɨn norkeikeiyen yerkin.
2:5-6 Swatuk pɨsɨn kɨrik kape nukreikɨnien v 5: “Mərɨg yermamə yame rəri-pən huvə nəgkiarien kafan, in rorkeikei pɨk Kughen.”
,
k  Yermamə yame ramni mə in ravəh Yesu yerkin, tukraməkeikei məri-pən swatuk kɨrikianə əmə yame Yesu rɨmnəri-pən. l  Norien a tukramhajoun m  mə kɨtawə kamhavəh Yesu yerkitawə. n 

Kɨtawə tukasəkeikei masorkeikei ətawə mɨnə

Yo mɨnə tɨksɨn, pəh nien nəgkiarien vi kɨrik yame yakamrai kɨmi əmiə mə taksəri-pən; o  mərɨg nəgkiarien akwas kɨrik yame nakwəsərɨg-ta kupən. p  Nəgkiarien akwas e nəgkiarien yame nakwənharkun-ta. Mərɨg, nəfrakɨs, ramor mə nəgkiarien vi kɨrik tuk əmiə. q  Kɨni, nɨmraghien kape Yesu mɨne kapəmiə kawor əpu kaməm mə nəgkiarien e rəfrakɨs, meinai taktəkun ai, nəpɨgnapien rɨnamrɨkək, r  kɨni nɨkhakien əfrakɨs s  rɨnakhak-pə. t 

Kɨni yeməhuak kɨrik yame ramni mə in ramərer ye nɨkhakien, mərɨg raməməkɨn nəməhuak mɨnə tɨksɨn, u  yermamə en ramarə hanə ye nəpɨgnapien. v  10 Mərɨg yeməhuak yame rorkeikei nəməhuak mɨnə, in ramarə ye nɨkhakien. w  Kɨni nar kɨrik to rapəh norien rɨmɨr. x  11 Mərɨg tukmə raməməkɨn in kɨrik, ramarə hanə ye nəpɨgnapien, y  rɨmuvrɨg əpɨs in, raməriwək əmə ye nəpɨgnəpien. z 

12 Kwajikovə mɨnə kafak, yakamrai nəkwəkwə e raurə kɨmi əmiə,
Meinai Kughen rɨnəspir-ta təvhagə has kapəmiə kɨn norien yame Yesu rɨmnor.
13 Tatə mɨnə, yakamrai nəkwəkwə e raurə kɨmi əmiə,
meinai kɨmiə nakwənharkun-ta In yame rɨmnəkupən mamarə kwasɨg ikɨn Kughen ror narɨmnar. aa 
Nɨtamaruə, yakamrai nəkwəkwə e raurə kɨmi əmiə,
meinai nakwəsəpita ab  yemə has ai Setan.
14 Kwajikovə mɨnə, yakamrai nəkwəkwə e raurə kɨmi əmiə,
meinai nakwənharkun-ta Rɨmtawə Kughen.
Tatə mɨnə, yakamrai nəkwəkwə e raurə kɨmi əmiə,
meinai kɨmiə nakwənharkun-ta In yame rɨmnəkupən mamarə kwasɨg ikɨn Kughen ror narɨmnar. ac 
Nɨtamaruə, yakamrai nəkwəkwə e raurə kɨmi əmiə,
meinai nakwənhaskai, ad  nəgkiarien kape Kughen raməmɨr irəmiə, kɨni nakwəsəpita yemə has ai Setan. ae 
15 Takhapəh nɨsorkeikei-pɨk-ien norien kape tokrei tanə mɨne narɨmnar fam kape tokrei tanə. af  Yermamə yame rorkeikei pɨk narɨmnar kape tokrei tanə, norkeikeiyen kape Rɨmtawə Kughen rɨrkək yerkin. ag  16 Meinai norien m-fam kape tokrei tanə khapəh nhasɨ-pənien ye Rɨmtawə Kughen, mərɨg kape tokrei tanə əmə. Norien m-fam kape tokrei tanə, irisɨr e: Rɨki jir raməkrəh, ah  kamanipɨn tuk narɨmnar kape nɨprai jir əmə, ai  kɨvəhsi-haktə jir tuk nautə mɨne norien kafan. 17 Mərɨg tokrei tanə e tɨkrɨpirkək, mɨne narɨmnar m-fam yame ramswin iran mavi nərɨgien. aj  Mərɨg narmamə yamə mɨne kasor nəkwai Kughen, ak  tuksarə kape rerɨn.

Tɨkmɨr mɨnə kape Kristo kwənhauə ta

18 Kwajikovə mɨnə kafak, kɨtawə kwənhauə ye Nɨpɨg Kwasɨg. al  Nakwəsərɨg mə tɨkmɨr kɨrik kape Kristo tukruə. am  Kɨni taktəkun ai, tɨkmɨr mɨnə khapsaah kape Kristo kwənhauə ta. an  Kwənhauə, kɨtawə kharkun mə kwənhauə ta ye Nɨpɨg Kwasɨg. 19 Iriə kwəsəpəh kapətawə niməhuak mɨnə, ao  meinai iriə, pəh nien mə kɨtawə əgkəp mɨnə tɨksɨn əfrakɨs a. Rɨpi mə kɨtawə əfrakɨs əgkəp mɨnə tɨksɨn a, to kɨpihapəh nɨsəpəhyen ətawə. Mərɨg iriə kɨmɨsap-ta irətawə, ramhajoun mə iriə pəh nien mə kɨtawə mɨnə tɨksɨn.

20 Mərɨg kɨmiə, Kristo, Yemə Imərhakə, rɨnəvrai-pre-ta Nanmɨn Rhakə ap  kɨmi əmiə mor kɨmiə nakharkun nəfrakɨsien. 21 Yakamrai nəkwəkwə e kɨmiə əmiə, pəh nien mə nakseinein nəfrakɨsien, mərɨg kɨmiə nakwənharkun ta nəfrakɨsien, kɨni mɨnharkun mə nəfrakɨsien rɨpəh nɨkuəyen kɨn neikuəyen. aq  22 ?Pa e in yeikuə kɨrik? Yermamə yame ramni mə Yesu pəh nien mə Kristo yame Kughen rɨmɨrpen. Yermamə e in e, in tɨkmɨr kape Kristo. In rukreikɨn-pən nɨmeitaan kɨmi Rɨmtawə Kughen mɨne Tɨni, Yesu. ar  23 Yermamə yame rukreikɨn-pən nɨmeitaan kɨmi Tɨni, Yesu, reinein nofugɨnien ye Rɨmtawə Kughen. Mərɨg yermamə yame ramni nəfrakɨsien ye Tɨni Yesu, rofugɨn ye Rɨmtawə Kughen. as 

24 Rɨkimiə tukraməsɨk mɨpəh nɨsəru-kɨnien nəgkiarien yame nakwəsərɨg-ta kupən. Nəgkiarien a raməmɨr hanə irəmiə, mor əmiə naksofugɨn ye Rɨmtawə Kughen mɨne Tɨni, Yesu. at  25 Kɨni nar a in a, nɨmraghien rerɨn, Kughen ruɨni-ta mə tukrɨvəhsi-pə kɨmi ətawə.

26 Yakamrai nəgkiarien mɨnə e kɨmi əmiə mamni-ərhav narmamə yamə mɨne kasarkut tuk nɨvi-tayen əmiə. au  27 Mərɨg kɨmiə, Kristo rɨnəvrai-pre-ta Nanmɨn Rhakə kɨmi əmiə, raməmɨr təvɨr hanə irəmiə. av  ?Ror pən, pa mɨn rɨrkun nhajounien nar vi kɨrik kɨmi əmiə? Yermamə rɨrkək. Nanmɨn Rhakə, yame Kristo rɨnəvrai-pre-ta kɨmi əmiə aw  ramhajoun narɨmnar fam kɨmi əmiə. Nhajounien a raməfrakɨs, mɨpəh neikuəyen nɨpɨg kɨrik. Nanmɨn Rhakə ramhajoun əmiə ax  mə takasofugɨn ye Kristo mamharpɨn.

28 Kɨni taktəkun ai, kwajikovə mɨnə kafak, takasofugɨn-pən ye Kristo pəh nɨpɨg tukruə, ay  məm kɨtawə khapəh nhagɨnien, mhapəh nɨsaurɨsien tuk nɨsərerien ye nɨmrɨn. az 

29 Tukmə nakharkun mə Yesu In ratuatuk, ba  takharkun mə narmamə m-fam yamə mɨne kasor norien atuatuk, iriə a kwajikovə mɨnə kape Kughen. bb 

Copyright information for `NWI