a9.7. 10.1. 1 Sam. 18.3. 20.14,17,42.
b16.1-4. 19.17,29.
c1 Sam. 20.14.
d4.4.
e17.27. Josh. 13.26.
f17.27. Josh. 13.26.
g9.1,3.
h16.9. 1 Sam. 24.14.
i9.7,11,13. 19.28. 1 Kho. 2.7. 2 Kho. 25.29.
j19.17.
kEks. 18.4.
l1 Lan. 8.34.

2 Samuel 9

UDavida uba lomusa kuMefiboshethi

UDavida wasesithi: Kusekhona yini oseleyo endlini kaSawuli ukuze ngimenzele umusa ngenxa kaJonathani a ? Njalo indlu kaSawuli yayilenceku obizo layo lalinguZiba b . Sebembizele kuDavida, inkosi yathi kuye: UnguZiba yini? Wasesithi: Ngiyinceku yakho. Inkosi yasisithi: Kakuselamuntu yini wendlu kaSawuli, engingamenzela umusa kaNkulunkulu c ? UZiba wasesithi enkosini: UJonathani uselendodana eyisilima inyawo zombili d . Inkosi yasisithi kuye: Ingaphi? UZiba wasesithi enkosini: Khangela, isendlini kaMakiri indodana kaAmiyeli eLodebari e .

Inkosi uDavida yasithuma yamlanda endlini kaMakiri indodana kaAmiyeli eLodebari f . Lapho uMefiboshethi indodana kaJonathani indodana kaSawuli esefika kuDavida, wathi mbo ngobuso bakhe, wakhothama. UDavida wasesithi: Mefiboshethi! Wasesithi: Khangela, inceku yakho.

UDavida wasesithi kuye: Ungesabi, ngoba ngizakwenzela lokukwenzela umusa ngenxa kaJonathani uyihlo; ngizakubuyisela ilizwe lonke likaSawuli uyihlo, wena-ke uzakudla isinkwa etafuleni lami njalonjalo g . Wasekhothama, wathi: Iyini inceku yakho ukuthi ukhangele inja efileyo enjengami h ?

Inkosi yasibiza uZiba, inceku kaSawuli, yathi kuye: Konke okwakungokukaSawuli, lendlu yakhe yonke ngikunike indodana yenkosi yakho. 10 Uzayilimela-ke umhlaba, wena lamadodana akho lenceku zakho, lilethe izithelo ukuze indodana yenkosi yakho ibe lesinkwa engasidla; kodwa uMefiboshethi indodana yenkosi yakho uzakudla isinkwa etafuleni lami njalonjalo i . Njalo uZiba wayelamadodana alitshumi lanhlanu, lenceku ezingamatshumi amabili j . 11 UZiba wasesithi enkosini: Njengakho konke inkosi yami, inkosi, ekulaya inceku yayo, izakwenza njalo inceku yakho. NgoMefiboshethi, uzakudla etafuleni lami, njengomunye wamadodana enkosi k . 12 Njalo uMefiboshethi wayelendodana encinyane, obizo layo lalinguMika l . Labo bonke ababehlala endlini kaZiba baba zinceku zikaMefiboshethi. 13 UMefiboshethi wasehlala eJerusalema, ngoba wadla etafuleni lenkosi njalonjalo. Wayeyisilima inyawo zakhe zombili.

Copyright information for Ndebele