a46.4. 2 Kho. 13.14.
b50.26. 2 Lan. 16.14. Luka 23.56. Joha. 19.39,40.
cNani 20.29. Dute. 34.8,10. 1 Sam. 31.13. Jobe 2.13.
d47.29; 32.5; 33.8,10,15.
e2 Lan. 16.14. Isa. 22.16. Mat. 27.60.
f45.10.
h49.29,30. Seb. 7.16.
i23.16.
j49.23.
k49.25.
l30.2. 2 Kho. 5.7.
m45.5,7.
n47.12.
pNani 32.39. 1 Lan. 7.14.
q15.14; 46.4; 48.21. Eks. 3.16,17. Heb. 11.22.
r15.18; 26.3; 35.12.
sEks. 13.19. Josh. 24.32.
t50.2.

Genesis 50

Ukungcwatshwa kukaJakobe

UJosefa wasewela phezu kobuso bukayise a , wakhala inyembezi phezu kwakhe, wamanga. UJosefa waselaya inceku zakhe abelaphi ukuthi baqhole uyise ngomuthi; labelaphi bamqhola uIsrayeli ngomuthi b . Zagcwaliseka kuye insuku ezingamatshumi amane, ngoba ngokunjalo zazigcwaliseka insuku zabaqholwe ngomuthi. LamaGibhithe amlilela insuku ezingamatshumi ayisikhombisa c .

Kwathi sezidlulile insuku zokumkhalela, uJosefa wakhuluma lendlu kaFaro esithi: Uba-ke ngithole umusa emehlweni enu d , ake likhulume endlebeni zikaFaro, lisithi: Ubaba wangifungisa esithi: Khangela, ngiyafa; engcwabeni engazigebhela lona e  elizweni leKhanani, lapho ungingcwabe. Khathesi-ke, ake ngenyuke ngiyengcwaba ubaba, besengibuya. UFaro wasesithi: Yenyuka uyengcwaba uyihlo njengokukufungisa kwakhe.

UJosefa wasesenyuka ukuyangcwaba uyise, kwenyuka kanye laye zonke izinceku zikaFaro, abadala bendlu yakhe, labo bonke abadala belizwe leGibhithe, lendlu yonke kaJosefa, labafowabo, lendlu kayise; kuphela abantwana babo abancinyane lezimvu zabo lenkomo zabo bakutshiya elizweni leGosheni f . Kwasekusenyuka kanye laye konke izinqola labagadi bamabhiza, kwaba liviyo elinzima kakhulu. 10 Kwathi sebefike esizeni seAtadi, eliphetsheya kweJordani, balila khona, isililo esikhulu lesinzima kakhulu, bamenzela uyise isililo insuku eziyisikhombisa. 11 Kwathi abakhileyo belizwe, amaKhanani, bebona ukulila esizeni seAtadi, bathi: Lesi yisililo esinzima samaGibhithe. Ngakho basebesitha ibizo laso iAbeli-Mizirayimi
 iAbeli-Mizirayimi: okuyikuthi,  isililo samaGibhithe.
, eliphetsheya kweJordani.
12 Amadodana akhe asemenzela njalo njengalokhu ewalayile; 13 ngoba amadodana akhe amthwalela elizweni leKhanani h , amngcwaba obhalwini lwensimu yeMakaphela, uAbrahama aluthenga lensimu i , lube yindawo yakhe yokungcwabela, kuEfroni umHethi, eqondane leMamre.

14 UJosefa wasebuyela eGibhithe, yena labafowabo labo bonke abenyuka laye ukuyangcwaba uyise, esemngcwabile uyise.

15 Kwathi abafowabo bakaJosefa sebebonile ukuthi uyise usefile bathi: Mhlawumbe uJosefa uzasizonda j , ngoqotho asiphindisele ububi bonke esabenza kuye. 16 Basebenika isilayezelo kuJosefa besithi: Uyihlo walaya engakafi, esithi: 17 Lizakutsho kanje kuJosefa lithi: Ngiyakucela, akuxolele isiphambeko sabafowenu lesono sabo, ngoba bakwenzela okubi; khathesi-ke ake uxolele isiphambeko sezinceku zikaNkulunkulu kayihlo k . UJosefa wasekhala inyembezi nxa bekhuluma kuye. 18 Labafowabo labo beza, bawa phansi phambi kwakhe, bathi: Khangela, siyizinceku zakho. 19 Kodwa uJosefa wathi kibo: Lingesabi, ngoba kanti ngisendaweni kaNkulunkulu yini l ? 20 Kodwa lina laceba okubi kimi, uNkulunkulu waceba ngokuhle m , ukuze enze njengalamuhla, ukuze alondoloze abantu abanengi bephila. 21 Khathesi-ke lingesabi; mina ngizalondla lina labantwanyana benu n . Wasebaduduza, wakhuluma labo ngomusa
 ngomusa: Heb.  enhliziyweni yabo.
.

Ukufa kukaJosefa

22 UJosefa wasehlala eGibhithe, yena lendlu kayise. Njalo uJosefa waphila iminyaka elikhulu letshumi. 23 UJosefa wasebona abantwana bakaEfrayimi abesizukulwana sesithathu; labantwana bakaMakiri p  indodana kaManase bazalelwa emadolweni kaJosefa. 24 UJosefa wasesithi kubafowabo: Ngiyafa, kodwa uNkulunkulu uzalihambela isibili q , alenyuse kulelilizwe alise elizweni alifungela oAbrahama, uIsaka loJakobe r . 25 UJosefa wafungisa amadodana kaIsrayeli esithi: UNkulunkulu uzalihambela isibili, njalo lizakwenyusa amathambo ami asuke lapha s . 26 UJosefa wasesifa, eleminyaka elikhulu letshumi; basebemqhola ngomuthi t , wafakwa ebhokisini eGibhithe.

Copyright information for Ndebele