2 Samuel 5

Deved Mai Vi Asuv Houlu ten out Isrel

2 Samuel 5:1-4

Evus, mari vatiamal keil vasi ten out Isrel umai avales Deved en taon ten out Hibron, ka aviteni mini avit, “Komai mevi tumali kati keil. Mulamu, navong Sol vi asuv houlu onomai, keik komulamun me-Isrel keil uva en vaeen keil. En avong enek, Iahova vat kati minuk keke keik kilosil kat meatin keil onen ten out Isrel. Anatin, kei viteni vit keik kihi avat onomai.” Sakini, hetetamen keil vasi ten out Isrel umai ales Deved en taon ten out Hibron. En out enek, Deved mumon hatkatien takeih tai ral min keil.
5:3 En hatkatien enek koa Deved mumoni, vat kati keke helosil kat meatin keil, ka keil aviteni mini avit isan kataunien mini.
Evus, keil amutah oel en vatin vatie lati keke kei mai vi asuv houlu one.
Navong Deved mai vi asuv houlu, sua onen hanumau tai ka halualim emun (30), ka kei losil kat me-Isrel keil sua hanumau elu (40).

Evus, Deved lah ruain meatin keil tavaeen onen, uva akur taon ten out Serusalem vahi one ka aro ien. Evus, Deved meng kat meatin keil onen avati mari eim tai keke vato ien en taon enek. Katau suk, Deved vis pris keil ka avous Eim Tavolin onen Ahi ka tounah vasi koa mul ien, ka uva asesalini en taon onen Deved, vesesal en out Serusalem, ral min masmasien. Evus, keil aling Bokis ten Hatkatien Takeih mul ien.

Copyright information for `PMA