Exodus 13

Iahova viteni min Mosis vit, “Moeite vasi keil koa avi meahos ihi onak: onen me-Isrel keil ka onen tirendan keil emun.”

11 Sakini Mosis viteni min meatin keil vit, “Iahova helamun kami miheha en atan esen me-Kenan keil, out koa vat kati tuai min kami ka avu onami keil. Navong hesani min kami ka miheto ien, 12 mihesan risi mini moei ehon ihi onen. Mihoumoni emun min moeite onen tirendan vasi keil esomi koa avi meahos. 13 Ka en moeite ten dongki tai esomi koa vi meahos, mikilea mivahul lati ran Iahova en sipsip tai. Munak emihervattei mivahul lati, mihekur vul hiren enges. Ka en moei ehon onami keil emun, mihehul lati ran Iahova. 14 Sakini en avong keil koa hemai, munak natmali hehisuk en usite ten aneite ten sakien koanik, kihiteni mini kihit, 'Navong rovi slev veah en out Isip, Iahova lah lat ir ran out enek ral min mari keihoen onen. 15 Navong lesi keke asuv houlu ten out Isip, vatin keih ka enrovattei vamaen ir rovaha, kei mu vasin moei ehon keil vasi onen me-Isip keil vita rokol moeite ten tirendan keil ese. Ven koanik varei, rosa vasi moulien onen moeite koa avi meahos ten tirendan keil eser avahi sanien votut vaha min Iahova. Ka en moei ehon keil orer, rovul lat keil rani.' 16 Sakien keil ekek hehi imesien hesuval tounah tai koa ropar kati hel en vatir vuo her vasakin ir rehendem kati keke Ahi lah lat ir ran out Isip ral min mari keihoen onen.”

20 Katau en avong koanek, me-Isrel keil amemea ran meteimal ten out Sakot ka uva en out Itam ka mul en valite ten out volvol. Ekonek, amumon votevav keil. 21 Ka Ahi mulamun keil, en meneai alesi suval mahmah koa mulomal vina nesa ka mul mulamun keil, ka en vongien, viles mai vi mari ahang koa ritin en sise vasan meneai min keil. Sakini keil akilea avoual en meneai ka vongien.

Copyright information for `PMA