Exodus 21

12 Iahova viteni min Mosis vit, “Meatin koa houas hanu sav hemat, kei mun uasi hemat. 13 Ka munak kei romundemtei voumoni ka inau namaen tounah enek kur out esuk, kei kilea valohosai vaha en out tai koa inau nitie min kami. Ka en out enek, kei kilea heto hetahosis. 14 Ka munak meatin tai tin tisa kat meatin sav tai ka mumon rendemien suai tai onen vit vouasi vamat, ka muasi mat; meatin koa vuhu enek, kei mun uasi hemat. Avaseini meatin enek helohosai heha heto kus en ahor ten sanien onak.

15 Meatin koa houas tata onen vuo mama onen, kei mun uasi hemat.

16 Meatin koa hehenan meatin sav keke hemai hehi slev onen vuo keke hanu sav tai hehul lati rani, meatin enek uasi hemat.

17 Meatin koa hesili tata vuo mama onen, kei uasi hemat.

Copyright information for `PMA