Genesis 17

Ahi Viles Isen Ebram Mai vi Ebraham ka San Sakien ten Vekahoi Hetie Lat Hatkatien Takeih Onealu

Senesis 17:1-6,9-27

Navong Ebram, sua onen vesesal hanumau elim (99), Iahova kistal veni ka viteni mini vit, “!Inau, navi Ahi ten keihoen! Kilong kat nau ka lises kumon tounah koa mal en metok. Num ris hatkatien takeih hetal minuk ka numon vatiamal keil koa hekistal enuk hehi houlu mok.” Ebram malingling mini, nan rokol atan. Ka Ahi vit risi mini vit, “Inau namumon hatkatien koanek ral minuk: navat kati keke vatiamal keil onom imai ihi mari vangi meatin houlu. Sakini, isom hervitei mun 'Ebram', ka hehi 'Ebraham' veni numonuk kihi mari avu onen mari vangi meatin houlu.
17:5 En selusien onen Siu, keil 'Ebram,' aneite teni vi 'mari avu'. Ka 'Ebraham,' aneite teni vi 'avu onen mari vangi meatin houlu'.
Nisakin vatiamal keil koa ikistal ika enuk imai ihi mari kantri keil, ka keil koa imai ihi asuv houlu keil.”

Ka Ahi vit risi min Ebraham vit, “Hatkatien takeih onak, keik kusil kati, keik hetal min vatiamal onom keil koa ikatau enuk. 10 Keik ka onom keil mihemaeni mivoumon vekahoi min ehon vasi keil onami. 11 Ekek, navong mihoumon vekahoi en ehon keil onami, hetie lati keke mimusil hatkatien takeih oralu. 12 En avong keil koa hemai, koakeil en kami koa avi meahos iha en vekahoi navong avong one vi oulim (8). Eisisil toumien onami koa mikuri en out sav ral min titae keil koa avasi en teim onami. 13 Keil vasi iha en vekahoi. Mukonek, out koa amumon vekahoi eni en avemi hetie lati min meatin keil vasi keke mimusil kat hatkatien takeih onak koa reingeingeni vavus. 14 Munak meatin etai hervatei en vekahoi, hervitei mun meatin tai onak, veni kei rolong kattei hatkatien takeih onak.”

15 Ka Ahi vit risi min Ebram vit, “Ahin onom, kirvisetei mun en 'Serae'. Kosa heha, isen hehi 'Serah'.
17:15 En selusien onen Siu keil, Sarae ka Serah, aneite ten eis keilu enek vi 'princess,' atouli onen asuv houlu tai.
16 Nitokol kati ka nimaeni hekur ehon tai onamil. Numoni hemai hehi mama ten mari vangi meatin keil ka asuv houlu emun keil ikistal rani.”

17 Ebraham malingling ven Ahi, nan rokol atan, ka mul viteai min kei sasen. En rendemien onen vit, “?Meatin kilea vasan ehon min ahin tai navong sua onen rokol hanumau elim (100)? ?Ka Serah emun kilea veah vakur ehon navong sua onen rokol hanumau ehat ka halualim emun (90) tuai?” 18 Kei vis Ahi vit, “?Kosakras kovamaeni li keke Ismael vakur tokolkatien koa kosani minau?”

19 Ka Ahi vit, “!Vuo! Ahin onom, Serah, hekur ehon tai onamil, ka kiling isen hehi 'Aesak'. Hatkatien takeih koa namumoni ral minuk, num risi hetal mini ka hetal min vatiamal onen lises ka lisenges. 20 Ka naraengon asa koa koviteni minau usil Ismael. Hesakini, nitokol kati ka titan keil emun ihi houlu vis ihi houlu mok. Hehi mari tata ten vatiamal teindan elu (12) koa imai ihi mari vangi meatin tai. 21 Ka hatkatien takeih onak, numoni hetal min natmali Aesak koa Serah hekuri en avati koanek en sua koa hemai.” 22 Navong Ahi selus evus, va rani.

23 En avong etin enek, Ebraham long kat Ahi ka mumon vekahoi en meahos vasi keil koa aro ral mini: Ismael, slev keil onen ka meatin sav keil koa amusili. 24 Ebraham, sua onen rokol hanumau ehat ka teindan ouhat emun (99) navong va en vekahoi. 25 Ka Ismael, sua onen en avong koanek rokol teindan etel (13). 26 Ebraham ka natnali, keilu vasi luva en vekahoi avong tas, 27 ral min slev keil onen.

Copyright information for `PMA