Isaiah 7

Iahova Vat Kati keke Hesan Ehon Tai Vakataun Meatin Keil Onen

Aesea 7:10-14; 9:6-7

10 En avong tai, provet Aesea va les asuv houlu Ehas ka vit mesen selusien onen Iahova mini vit, 11 “Munak emvati kovakul anatin en selusien onen Iahova koa vi Ahi onom, kihisi hetie lat tounah tai minuk. Avaseini munak kovisi keke hemai hekistal ran out ten matien en huinev ten atan, vuo ran out nesa, vuo ran out sav koa mul luhu en keilu.”

12 Ka asuv houlu Ehas viteni mini vit, “Vuo, inau nirvis etai tounah rani, veni ekrovattei masak vis Iahova.”

13 Sakini, provet Aesea viteni mini vit, “!Keik ka kami koa mikistal ran vatiamal onen asuv houlu Deved, mihetaeng revi! Veni vatumi keih, lisenges mimumon provet keil onen Iahova ave mah en selusien. ?Ka mukave? ?Emivati mivoumon Iahova mun aven vamah en kami? 14 Ekek, Iahova keinges hetie lat tounah hehi metai tai minuk keke kilesi. Atouli hau tai hemeas en titiali ka navong hekuri hehi ehon tai, ka heling isen 'Imanuel' koa aneite teni vi, 'Ahi ro ral minir'.

Copyright information for `PMA