Job 21

Siop Sa Kes Selusien min Time Keitel Onen

Siop 21:1-2,27-28,34; 22:1-2,4-5,10-11; 23:1-7; 27:2-6

Evus, Siop vit kesi min keitel vit,

“Mithelong revi asa mahiteni.
Munak emivat mivoumon nau malonge vatahos, mithesan ralingomitel enges.

!Mithelele ka mithelesnau!
!Hesakin mitheti manin ka emitel hevon!
Navong namundem usil tounah koa sut nau,
alok maleilei ka namundemko houlu.
?Vensa varei meatin keil tatisa aro tahos?
?Vensa amatu ka ales amas en moulien one?

13 Keil arokol keite ten moulien one en tomat,
ka umat en merauen.
14 Meatin tisa keil aviteni min Ahi avit, '!Kiling komai mehel sasomai enges!
Emairovattei mevailea sise keil onom.
15 ?Isei Ahi keke meheha netan veni?
?Huhulien sa mehekuri munak mehis mini?'

17 ?Nengeis roles Ahi muh vini laet ten moulien onen meatin keil koa amukonek?
?Nengeis avisu en avong takeih?
?Nengeis Ahi vuroh kat keil ka san mahien min keil?
!Vuo, rolestei varei!

23 Meatin tai, en moulien vasi onen, mul les amas ka tomat.
24 Kei longe tahos rokol avong mat.
25 Meatin tamun, sien tovuol varei en kei.
En avong vasi onen, kei mul les mahien rokol matien.
26 Keite ten moulien onealu vatte tas.
Lumat, arihin keilu, ka oul kan vasi teiai onealu.

34 ?Ka kamitel, mitvit mitvoumon nau malonge vatahos en selusien keil koa vi heisavos? !Vuo!
!Selusien vasi koa mitsani minau vi luvosien!”
Copyright information for `PMA