Job 23

Siop vit kesi min keitel vit,

“Mukos asa miviteni, niles niselus kutut kat Ahi hekeih,
nasakras mahuli kat mahisien onak.
Hit eli varei mailea out mahotin Ahi ien
keke mailea maha en out kei ro ien.
Vamukonek, mahitehit lin tounah keil en usite onak mini,
ka mahit kilea anatinien ten selusien keil onak mini.
Ekvati mailea asa hehiteni,
ka kei hehit kesi minau hemukave.
?Mukave, Ahi hesa vasi keihoen onen heha kat nau?
Vuo, helong nau navong niselus.
En meten Ahi, meatin koa mutolas kilea vaselus retavoai vatal mini.
Kei hehitehiteni keke inau narmumon etai tounah vatisa keke meatin keil avalong kilea.
Copyright information for `PMA