Job 4

Elivas Selus min Siop

Siop 4:1-9; 5:17

Evus, Elivas ten out Teman mea ka viteni min Siop vit,

“?Munak niselus minuk, kivuroh?
Veni nasakras emun mato raeng.
Keik kovisein meatin keil houlu
ka kosan keihoen min koakeil he memerau.
Navong meatin tai mot vuo aven memerau vuo aven litu,
selusien onom katauni, ka kei mulomal eris.
Ka kosa, vi avong onom komul en mahien,
ka keik korvinvintei kovahisu vatali.
Munak hehi anatin keke keik kuva netan min Ahi ka moulien onom mutolas en meten,
hesakin desien onom hel ka demkoen hetovuol enuk.
Kosa, kindem usili.
?Meatin koa sakien onen mutolas
kilea vakur matien koa tisa? !Vuo!
Inau nales koanik: meatin koa kil atan ten tisaen ka luh utiai keil tasakkalkalien ien,
kosa keil akur hei sakkalkalien ka hei tisaen.
Suval angu tai,
Ahi mu lin keil en vurohien onen.
Copyright information for `PMA