Proverbs 5

Selkatien Va Kat Sakien ten Hoeasoen

Proveb 5:15-20

15 Keik koa koretalihe, kitie lat envatien onom min ahin onom
ka kito hetal min kei enges.
16 ?Mukave? Tahos keke kiha kiles ahin sav keil?
?Mal keke kiha kisan asa koa vi onen ahin kati onom min teisav keil? !Vuo!
17 Tahosien ten tetetalihen onamil enges.
Rovitei tounah koa kokilea kovasan heisav eni min mesav keil.
18 Hetahos imok kisik ven ahin koa koretalihe ral mini mai vi asom navong kovi meatin hau veah,
ka kitos en sien hetal mini lisenges.
19 Kimaen kei sasen hesakinuk kilonge hetahos lises.
Kihi vau en aven ahin onom enges ka kisik ven envatien onen.
20 ?Natkuli, vensa kitie lat envatien onom en ahin koa vi hoeaso tai?
?Vensa kiles aven ka kindemi keke kei tahos imok mulin ahin kati onom?
Copyright information for `PMA