Psalms 15

Sakien Keil koa Ahi Envati

?Ahi Asuv, isei heha neim en Eim Votut onom?
?Isei heha netan minuk en Hou Saeon
15:1 Saeon vi hou tai koa taon ten out Serusalem ka Eim Votut onen Ahi lumul ien.
koa vi votut?

Vati meatin koa long kat Ahi en tounah vasi,
koa mumon sakien koa tahos.
Selusien onen vi anatin ka mal,
romumontei hitehit usilien vaha kat meatin sav keil.
Meatin enek romumtei vatisa min tunali keil;
Rosel kututtei min meatin sav.
Kei enrovattei koakeil Ahi seseini;
ka vouhou min koakeil along kat ren Ahi.
Lises, meatin enek mumon asa koa vat kati,
heisavos munak tounah etai hemai eni.
Kei maen mane min meatin sav keil ka rokurtei tesao eni.
Ka enrovattei vakur mane en sise koa valuvos meatin koa romumontei tounah vatisa.

Vati meatin koa mumon sakien koa mukonek,
lises, moulien onen helomal hekeih.
Copyright information for `PMA