1 Corinthians 16

A DUEN kijakij on jaraui kan, me komail pan ki pena, i men, komail en wiada, duen i kakaliki on momodijou en Kalejia kan. Ni at en ran en wik kan amen amen re omail en nikidala ekij, o ki pena duen wan a kak on pwe onop de wiaui, i lao pwara won. I lao pwara weilar, meakai, me komail pan kileledi, irail me i pan ilakewei, en walan Ierujalem omail kijakij ianiaki kijin likau. O ma a kon on, i en pil jailok wei; irail ap pan ian ia jailokala. A i pan pwara won komail ni ai dauli Majetonien, pwe i pan weid nan Majetonien. Ele i pan mimieta re omail, anjaun kapau lao nikier, pwe komail en kalua ia la waja, me i pan jailokala ia. Pwe anjau wet i jota pan jup re omail, pwe i kaporoporeki, me I pan mimieta re omail anjau kij, ma Kaun pan kotin mueid on ia. A i pan mimieta Epijuj lao pentikoj. Pwe wanim talap ritida mo i, me kareda wa toto; a imwintiti me toto. 10 A Timoteuj lao pwara won komail, apwali i, pwen jondi mau re omail, pwe a kin ian ia wiawia dodok en Kaun o. 11 Jota amen en mamaleki i, a kalua i don ia popol, pwe nai o ri atail akan kin auiaui i. 12 A duen ri atail Apoloj, nai me poeki re a pan pak toto, en ian ri atail akan pwara won komail, a a kan pwara wei anjau wet; a a pan pwara wei lao anjau mau. 13 Komail majamajan o dadaurata ni pojon, komail wia duen ol melel, o komail en kelail. 14 Meakaroj en wiaui ni limpok 15 I ari panaui komail, ri ai kan, pwe komail aja penainai en Jtepanaj, me ir tapida jaulan en Akaia, o me pein irail inon ion dodok on jaraui kan, 16 Pwe komail en peiki on irail, o on irail karoj me ian ni ar wiawia o dodok. 17 I peren kida en Jtepanaj, o Portunatuj, o Akaiuj ar pwarador, pwe mekij, me komail jo ki on ia mepukat ki don ia. 18 Irail kaperenda nen i o pil nen omail; komail ari wauneki me due met. 19 En momotijou en Ajien akan ar ranamau won komail. A Akwila o Prijila kin ranamau won komail pan Kaun o momodijou nan im ara. 20 Ri atail ol akan karoj kin ranamau won komail. Komail ranamauki pena metik jaraui. 21 Nai Pauluj me intin kilan komail ai ranamau ki pein pa i. 22 Ma amen jota kin pok on Kaun Iejuj Krijtuj, a pan anatema! Maranata! let wewe; A pan riala! Atail Kaun kotido. 23 Mak en Kaun Iejuj Krijtuj en mimieta re omail! 24 Ai limpok on komail pan Krijtuj Iejuj pan mimieta re omail! Amen.

Copyright information for `PON