Acts 11

WANPORON o jaulan kan, me mi Iudäa, ronadar, me men liki kan pil aleer majan en Kot. Petruj lao pwara don Ierujalem, me kijan jirkomjaij oko ap akamai on i indada: Kom pwarala ren ol akai me jo jirkomjaij oko o mana re ’rail. A Petruj pikikidi majani on irail karoj me wiauier irerokedo majani: Ngai mi nan kanim Iope wia kapakap. O ni ai wukilar, i kilaner kajanjal eu: Ed eu kodido jan nanlan likamata tein pwainok kalaimun eu, me imwi kan pukopuk pena o a kodido imp ai. Ni ai kankakil, i ap diar o kilaner man aluki pa en jappa kai, o man laoalo, o man korop, o manpir en pan lan. Ngai ari ronadarnil eu, me majani on ia: Petruj, paurida, kamela o mana! Anai potoan on: Kaidin Main, pwe jota me mal kot, de me jaut kin ko on nan au ai. Anil kariapak japen jan nanlan: Meakot me Kot kamakelekeledar, koe der mamaleki! 10 Mepukat wiauier pan jilepak, ap apdar nanlan. 11 A kilan, madan ol jilimen kajinenda mon im, me i mi lole, me pakadara don ia jan Jäjarea. 12 A Ngen kotin majani on ia, i en ian irail wei jo peikajal; a jaulan wonemen pukat pil ian ia. Kit ari pedelon on nan im en ol o. 13 I ari kaire kin kit, duen a kilaner tounlan o kotikot nan im a, majani on i: Kadara won Iope ol akai, me pan ukedo Jimon me pil ad a Petruj, 14 Me pan padaki on uk, me koe o noumui kan karoj pan maur kila. 15 Ni ai pikikidi padak, Ngen jaraui ap moredi on po ’rail, dueta a kotin moredi on po ’tail ni tapi o. 16 Ngai ari tamanda majan en Kaun o, me a kotin majani: Melel, pil me Ioanej paptaij kier, a komail pan paptaij kila Ngen jaraui. 17 Ari, ma Kot kotin kijakija irail dueta a kotin kijakija kitail er, kitail me pojonlar Kaun Iejuj Krijtuj, ijnai, pwe i en kak palian Kot? 18 Irail lao ronadar mepukat ap nenenla o kapina Kot indada: Nan Kot pil kotiki on men liki kan en kalula, pwen maurela. 19 A me muei pajan ni anjau en kamekam en Jtepanuj, kakan jili lel Pönijien, o Jipern, o Antiokien o jota padaki on meamen pwe Juj akan eta. 20 A nan pun arail ol akai mia, men Jipern o Kirene, me pwara don Antiokien, ap pil padaki on men Krik ronamau en Kaun Iejuj. 21 A lim en Kaun o ieian irail o me toto pojonlar wuki on Kaun o. 22 Ron en mepukat ap peidon momodijou en Ierujalem. Ir ari poronelar Parnapaj, pwen kokola lel Antiokien. 23 I lao pwarador o kilaner mak en Kot, ap peren kidar o panaui irail karoj, ren kelail ni monion arail o podidi on Kaun o. 24 Pwe i me ol kelail o mau amen, me dir en Ngen jaraui o pojon. A aramaj toto me wuki on Kaun o. 25 A ap kola Tarjuj rapaki Pauluj. 26 A lao diaradar i, ap ukedo i Antiokien. Ira ap mimi ren momodijou par eu o padapadaki on me toto. A nan Antiokien tounpadak kan tapidar adaneki japwilim en Krijtuj akan. 27 A ni ran pukat jaukop akai ko don Antiokien jan Ierujalem. 28 A amen irail, me ad a Akapuj me u kokopki Ngen, me muei lek lapalap pan kipadi jappa; ari, a pwaidar ni muein Klaudiuj. 29 A irail inauki pena, me re pan kijakija jaulan kan, me mi Ierujalem duen ar kapwapwa amen amen. 30 Mepukat re wiadar; re kadar won jaunkoa kan Parnapaj o Pauluj me wala.

Copyright information for `PON