Acts 6

A TOUNPADAK kan lao totolar ni ran pukat men Krik kai ap lipaned on men Ipru, aki jota me apwali ar li odi kan ni ar dodok en ran akan. Ekriamen oko ap molipe pena tounpadak kan majani: A jota mau on, jen muei jan majan en Kot, pwen papa ni tepel. Ari ri (at) akan, rapaki jan nan pun omail ol ijimen, me kalok mau, me dir en Ngen (jaraui) o lolekon, me jen kajapwiladan dok wet! A kit pan apapwalita kapakap o dodok pan majan o. Pokon o ari peren kida kaparok pot et. Re ap piladar Jtepanuj, ol amen, me dir en pojon o Ngen jaraui, pil Pilipuj, o Prokoruj, o Nikanor, o Timon, o Parmenaj, o Nikolauj, projelite jan Antiokien amen. Re kidan irail mon wanporon akan. Re lao kapakaper ap kidan po ’rail lim ar. Majan en Kot ari pwaida kaualap, o tounpadak kan madan totolar nan Ierujalem, o jamero toto pil ian lamalam o. A Jtepanuj, me dir en pojon o kelail, ap wiadar manaman o kilel laud kai nan pun en aramaj akan. A akai me udar, me kijan jinakoke en Liperti o men Kirene, o men Alekjandrien, o men Jilijia, o Ajien akamai on Jtepanuj. 10 A re jota kak palian en Jtepanuj a kupurokon o Ngen o, me audeda i. 11 Irail ari pwain on ol akai, pwen katiti: Je roner, me a lalaue mojej o Kot. 12 Irail pil kamakarada aramaj, o jaumaj akai, o jaunkawewe, re ap jaikidi i o koledi, re ap wa don i mod en kadeik o, 13 O kapwareda jaunkadede likam akai, me katitiki: Aramaj men et jota kin dukedi jan a lalaue waja jaraui et o kapun. 14 Pwe je roner, me a katitiki, me Iejuj en Najaret pan kawela waja et o kawilianla lamalam kan, me Mojej kotiki on kitail er. 15 A karoj, me ian mod on kapun o, kankakil i, kajauiada, me jilan a dueta jilan en tounlan amen.

Copyright information for `PON