John 13

MON kamadip en paja Iejuj lao kotin manier, me anjaun a pan kotila jan jappa, kotila ren Jam a korendor, duen a kotin kupuramauki japwilim a kan, me mi jappa, iduen a kotin kupura irail lel imwi, Ni ar kotin kajipon anjau me tewil ki on er nan monion en Iudaj Ijkariot nain Jimon, en panala i. Iejuj lao kotin manier, me Jam kotiki oner ni lim a kan meakaroj, o me a kotido jan ren Kot, o me a pan kotila ren Kot, Ap kotida jan ni kajipon, kotikidi japwilim a likau en liki ap ale dauel eu pirakidi pein i, A wutoki pil nan dal, ap pikikidi widen nä en japwilim a tounpadak kan, o limwieki dauel, me a piraki pena. A lao kotin lel Jimon Petruj, a ap potoan on i: Main, re pan kotin widen nä i kat? Iejuj kotin japen majani on i: Koe kin jaja, me I wia metet, a mur koe pan ajala. Petruj potoan on i: Re jota pan kotin widen nä i kat kokolata. Iejuj kotin japen i: Ma I jota widen uk, nan jota pwaij om re i. Jimon Petruj ap potoan on i: Main, kaidin nä eta, a pil pa o mon ai! 10 Iejuj kotin majani on i: Me duduer, jolar mau on omiom o opinok, pwe a makelekeler, a nä eta, me pan wideut; komail me makelekel, a kaidin karoj. 11 Pwe a kotin mani, me pan panala i; i me a kotin majanieki: Kaidin komail karoj me makelelkel. 12 A lao kotin widener nä ar akan, a kotin pur on japwilim a likau en liki. A pil kaipokedi ni tepel majani on irail: Komail ajaer me I wiai on komail er? 13 Komail kin adane kin ia Jaunpadak o Kaun, ari me pun, pwe ieinai. 14 Ari, manai, Kaun o Jaunpadak widen nä omail, komail ari pil widen nä omail pena. 15 Pwe I ki on komail er janjal mau eu, pwe komail en kaalemoni ia, o wia, duen I wiai on komail. 16 Melel, melel I indai on komail, ladu me jota laude jan a jaumaj, de me pakadarado me jota laude jan me kadarado i. 17 Ma komail aja mepukat, komail meid pai, ma komail wiada. 18 Kaidin komail karoj, me I indinda. I aja, me I piladar. A pwe kijin likau en pwaida: Me ian ia kankan prot, kin tiaki ia di. 19 Anjau wet I indai on komail mepukat mon a pan wiaui, pwe a lao wiaui, komail en pojon, menai i. 20 Melel, melel I indai on komail, meamen me kajamo, me I kadar wei, kin kajamo ia, a me kin kajamo ia, kin kajamo, me kadar ia do. 21 Iejuj lao kotin majani wei mepukat, ap kupurola kadede majani: Melel, melel I indai on komail, amen komail pan pan ia la. 22 Japwilim a tounpadak kan ap joupei pena o jaja, ij i, me a kotin majanieki. 23 A amen japwilim a tounpadak kan, me Iejuj kotin kupura mauki, momod ni tepel impan Iejuj. 24 Jimon Petruj ap olol on i, en idok, ij i me a kotin majani. 25 I ap kai on pan kupur en Iejuj potoan on i: Main, ij i? 26 Iejuj kotin japen: Iei i, me I pan ki on kijin prot i lao kaduedier nan dal o. A lao kotin kaduedier kijin prot o, a kotiki on Iudaj Ijkariot nain Jimon. 27 A lao tunole kijin prot o, Jatan ap tilon lole. Iejuj ap kotin majani on i: Wiada madan, me koe pan wiada! 28 A jota, ren me momod ni tepel, aja, da me a kotin majanieki on i met. 29 Pwe akai kiki on, me Iejuj kotin majani on i: Netie don kitail kapwa en kamadip o, de a en ki on me jamama ko meakot, pwe a kin wewa ed en moni. 30 A lao tunoler kijin prot, ap madan pedoi wei, a waja ponier. 31 A lao pedoi janer, Iejuj ap kotin majani: Nain aramaj ari linanlar, o Kot me linana kilar i. 32 Ma Kot linan kilar i, Kot ap pan pil kalinanaki pein i. A pan madan kalinanada i. 33 Jeri ko, I pan ieian komail anjau kij, komail pan rapa kin ia, a duen I indai on Juj akan: Waja me I pan kola ia, komail jota pan kak on. Iei duen I pil indai on komail anjau wet. 34 I ki on komail kujoned kap eu, pwe komail en poke pena, duen I pok on komail er, iei duen komail en poke pena! 35 Pwe i me karoj pan ajaki, me komail ai tounpadak kan, ma komail limpok pena. 36 Jimon Petruj potoan on i: Main, re pan kotila ia? Iejuj kotin japen i: Waja me I pan kola ia, koe jota kak idauen ia anjau wet, a koe pan idauen ia eu ran. 37 Petruj potoan on i: Main, da me i jo kak idauen ir ki met? I pan kajela maur i pweki komui. 38 Iejuj kotin majani on i: Koe pan kajela maur om pwekinai? Melel, melel I indai on uk, mon malek pan kakorot, koe pan kamam kin ia pan me jili pak.

Copyright information for `PON