Luke 18

A PIL kotin majani on irail karajeraj eu, me ren poden kapakap o der panada. A kotin majani: Jaunkapun amen mi nan kanim eu, me jota lan Kot, o jota injenoki aramaj amen. A li odi men mi nan kanim ota, me poto don i potoan on: Kom kotin jauaja ia on me kailon kin ia! A a kan maj o, a kadekadeo a monemoneloleki: Nan i jota lan Kot, o pil jota injenoki aramaj, A pweki li odi men et a kadiropa ia, i pan jauaja i, pwen der purodo kadiropa ia. Kaun o ap kotin majani: Komail ron, me jaunkapun japun indada! A iaduen Kot, a jota pan kotin jauaja japwilim a pilipildar akan, me kin likelikwir on i ni ran o ni pon? Pala a pan kotin pwapwand? I indai on komail: Nan a pan madan jauaja ir. Ari jo, Nain aramaj lao pwarado, da, a pan diar pojon ni jappa? A pil kotin karajai on irail me kin akapunki pein irail, ap akajapunki me tei kan: 10 Aramaj riamen kodala on nan im en kaudok pwen kapakap. Amen ira Parijär, a amen jaunopwei men. 11 Parijär o kajinenda kelepela ekij waja kapakap due met: Main Kot, i danke ir, me i jota dueta aramaj tei kan: Lolap, japun, kamal, de dueta jaunopwei men et. 12 I kin kaikaijole pan riapak ni wik eu o koleireki eijokkij eu en ai kapwa karoj. 13 A jaunopwei u doo jan ekij waja, ap jota men jarada nanlan, a a pikir maramar a indada: Main Kot, re kotin kupura ia me dipan! 14 I indai on komail, ol men et kodila deu a punala mon me teio. Pwe me kin kajapwilada pein i, pan kajapwilidi, a me kin kajapwilidi pein i pan kajapwilada, 15 Irail ap wa don i kijin jeri kai, pwen kotin jair ir. A japwilim a tounpadak kan lao kilaner, re ap kapoui irail. 16 A Iejuj kotin molipe ir majani: Mueid on kijin jeri kan, en kodo re i! Der kalik irail edi! Pwe irail me udan wein Kot. 17 Melel I indai on komail, meamen, me jota ale wein Kot rajon kijin jeri men, a jota pan pedelon on lole. 18 A monjap amen idok re a majani: Jaunpadak mau, da me i en wiada, pwen jojoki maur joutuk? 19 Iejuj ari kotin majani on i: Da me koe indaki, me I me mau? Jota me mau men, Kot eta. 20 Koe kin aja kujoned akan: Koe der kamal; koe der kamela aramaj; koe der pirap, koe der kinekine mal, kakaki jam om o in om! 21 I ari indada: Nan mepukat karoj i kin wiawia jan ni ai tikitik kokodo. 22 Iejuj lao mani mepukat, ap majani on i: Me ta kij me lua, netikila om kapwa karoj, o nene on me jamama kan, a om pai pan mi nanlan, ap kodo idauen ia do. 23 A lao ronadar met, ap injenjuede kila melel, pwe a kapwapwa kaualap. 24 A Iejuj lao kotin majani, me a injenjuedela, ap majani: Nan me apwal on me kapwapwa kan, en pedelon on nan wein Kot. 25 Pwe me manai, kamel en tilon nan por en dikok, jan ol kapwapwa men pedelon on nan wein Kot. 26 Irail me roneron indada: Ari, ij me kak on maur? 27 A kotin majani: Me aramaj akan jo kak on, Kot me pan kak on. 28 Petruj ap potoan on: Re kotin mani, kit me likid maliela meakaroj ap idauen la ir. 29 A kotin majani on irail: Melel I indai on komail, nan jota me likidmaliela im a, de jam, de in a, de ri a ol akan, de a paud, de na jeri kan pweki wein Kot, 30 Me jo pan id aneki me lapalap ni anjau wet o ni muei kokodo maur joutuk. 31 A kotin ukala ekriamen ko majani on irail: Kilan, kitail kin kodalan Ierujalem, o karoj pan pwaida, me intinidier ren jaukop akan duen Nain aramaj. 32 Pwe a pan panala ren men liki kan, pwe re pan kapikapiti i o ki jan wau i, o kondipi on i. 33 O re pan woki i o kamela, a ni kajilu en ran a pan maureda. 34 Irail ari jota man weweki mepukat, O majan pot et me rir jan irail. Re pil jaja, me a kotin majani. 35 A kadekadeo ni a koren ion Ieriko, ol majkun amen momod pon kailan al, poekipoeki. 36 I lao ronadar pokon o me daudaulul, ap idok due. 37 Irail ari indan i, me Iejuj men Najaret kotin daulul. 38 I arinil laudeda potoan on: Iejuj, japwilim en Dawid, kotin kupura ia! 39 A me tion moa kidekidaue i, en nenenla: A i ap kalaudela a poekipoeki: Japwilim en Dawid, kotin kupura ia! 40 Iejuj ap kotin udi on waja o, majani, ol o en wijike don i. A lao koren ion imp a, ap kotin kainoma re a. 41 Majani: Da me koe men, I en wiai on uk? A potoan on: Main, i men potoannarada waja. 42 A Iejuj kotin majani on i: Kilan waja, om pojon me kakel uk ada! 43 Ap pitipit kilanada waja, o idauenla i, o kapina Kot, o aramaj karoj, me udial met, ap kapikapina Kot.

Copyright information for `PON