Mark 1

TAPIN ronamau en Iejuj Krijtuj, Japwilim en Kot. Duen a intinidi ren jaukop Iejaia: Kilan, i kadarala mo ’mui ai men kadar me pan kaonopada al omui! Ngil eu likelikwir jili nan jap tan: Komail kaonopada al en Kaun o kaineneda al a! Ioanej kotido wia paptaij nin jap tan o padapadak duen paptaij en kalula on lapwa dip akan. Toun jap en Juj akan o toun Ierujalem karoj pokon don re a; irail paptaijela re a nan pilap Iordan, weokada dip arail akan. Ioanej kin likauwi wun en kamel, o perapirki kil en man, o kin kankan manjiek o oni en nan wel. O padapadak majani: Meamen laud jan ia kotido mur i. Jal en a jut i jota war on idiokidi lapwada. I paptaij kilar komail pil. A a pan paptaij kin komail Ngen jaraui! Kadekadeo ni ran oko Iejuj ap kotido jan Najaret en Kaliläa ap paptaijela ren Ioanej nan Iordan. 10 A madan kotida jan nan pil o, ap kotin majani nanlan kan ar ritida, o Ngen mom en muroi piridi don po a. 11 Ngil eu ap peidido jan nanlan kan: Nai kompok komui, me I perenki! 12 A madan Ngen kalua won i jap tan. 13 A ap kotikoteki jap tan ran panaul wia jonejon pan Jatan, ieian man laualo; a tounlan kan me papa on i. 14 Murin en Ioanej a panalar, Iejuj ap koti don Kaliläa, padapadak ronamau en wein Kot. 15 Majani: Anjau o leler wein Kot mier! Komail kalula! Kamelele ronamau! 16 Ni a kotikot jili liman jed en Kaliläa, a ap majani Jimon o ri a ol Andreaj ara lalaid jili, pwe ira jaujed. 17 Iejuj ap kotin majani on ira: Koma idauen ia do! Pwe I pan wia kin koma la jaujed en aramaj! 18 Ira ari madan kajedi ara uk eko, ap idauenla i. 19 Ari, ni a kotila jan waja o, a ap kotin majani Iakopuj, nain Jepedäuj o ri a ol Ioanej mimi pon jop pot wonewone ara uk oko. 20 I ari kotin molipe ira madan, ira ari pededi jam ara Jepedäuj nin jop o ren toun dodok ko o idauen la i. 21 Irail ap koti don Kapernaum. A madan kotilon on nan jinakoke ni ran en japat o kawewe. 22 Re ap puriamuiki a padak, pwe a kotin kawewe on irail ni manaman jota dueta jaunkawewe kan. 23 Aramaj amen ian mi nan jinakoke o, menen jaut mi lole, ap weriwer, 24 Indada: Ko jan kit! Menda re omui kit, Iejuj en Najaret? Komui kotido en kawe kit ala? I aja komui, Jaraui en Kot. 25 Iejuj ari onionida, majani: Nenenla o kowei jan i! 26 Ngen jaut lao kapururada ap weriwer laudeda, a ap koiei jan i. 27 Irail karoj puriamui, pepeidok nan pun arail indada: Dakot met? Padak kap, dakot met? Pwe ni manaman a majani onnen jaut akan, irail ari peiki on i. 28 I ari madan indand jili nin jap karoj impan Kaliläa. 29 Irail ari madan koti jan nan jinakoke, ap ian Iakopuj o Ioanej kotilon on nan im en Jimon o Andreaj, 30 Jaulap en Jimon wononeki jomau karakar. Irail ap kaireki i madan duen i. 31 I ari koti won ale pa a, kauada. Jomau karakar ap madan ko jan; i ari papa irail. 32 A lao jautik penaer, ni katipin kirila, re ap wa pena on i karoj me jomau o me tewil ti po arail. 33 O toun kanim o pokon don ni im o. 34 A ap kotin kakelailada me toto me jomauki jon en jomau toto, kauja jan tewil toto, ap kulikedi tewil akan, ren der lokaia, pwe re aja i. 35 A kotin kipada nin joran, kotilan jap tan, pwen laolao waja o. 36 Jimon o me ian ko ap idauenla i. 37 Ni arail diar i, re ap potoan on i: Irail karoj raparapa kin komui. 38 A ap kotin majani on irail: Kitail daulul won jap tei ko, pwe I en pil padak waja o, pwe i me I kokido. 39 A ap kotin padapadak jili nan arail jinakoke kan nan jap en Kaliläa karoj o kakauj tewil akan. 40 Ol tuketuk amen ap poto don i kelepuki poeki potoan on i: Ma re kotin kupura, re kotin kamakeke ia da! 41 Iejuj ari kupuro kila, kapawei lim a, jair i majani on i: I pan, makelekelada! 42 A ni a majani eta, ari a tuketuk ko jan madan, a ap makelekel lar. 43 I ari kalikedi i, ap madan kadarala. 44 Majani on i: Kalaka! Koe depa indai on meamen; a kowei kajale on koe jamero o, o kida, pweki om makelekelada, me Mojej majani, pwen kadede on irail. 45 Ari, a kolata kalokijili, juaiki jili o ari, kareda en Iejuj a jola janjal koti don kanim o, kotikot eta liki nan jap tan, irail ap pokon don re a jan pali karoj.

Copyright information for `PON